PAS 40 VITESH BURG GJYKATA E APELIT E PARISIT LIROI LIBANEZIN XHORXH (GEORGES) ABDALLAH I DËNUAR NË VITIN 1987 PËR BASHKËPUNIM NË VRASJEN E DIPLOMATËVE AMERIKANË DHE IZRAELITË.

Paris, Francë | Gjykata e Apelit e Parisit ka urdhëruar lirimin e libanezit Xhorxh (Georges) Abdallah, i dënuar në vitin 1987 për bashkëpunim në vrasjen e diplomatëve amerikanë dhe izraelitë.

Lirimi, pas më shumë se dyzet vitesh në burgjet franceze, do të bëhet më 25 korrik, deklaroi një burim gjyqësor në fund të seancës dëgjimore private në Pallatin e Drejtësisë në Paris, në mungesë të z. Xhorxh (Georges) Ibrahim Abdallah, i ndaluar në burgun e Lannemezan (Hautes-Pyrenees).

Lirimi i tij është i kushtëzuar me largimin e tij nga territori francez dhe mosparaqitjen më kurrë atje.

“Është një fitore ligjore dhe një skandal politik që nuk u zbulua më parë, për shkak të sjelljes së Shteteve të Bashkuara dhe të të gjithë presidentëve të njëpasnjëshëm francezë”, tha avokati i tij, Zhan-Luis Kalanset (Jean-Louis Chalanset), ndërsa po largohej nga salla e gjyqit.

Shtetet e Bashkuara, si palë paditëse, kanë kundërshtuar me forcë të gjitha kërkesat për lirimin e z. Xhorxh (Georges) Abdallah.

I burgosur në Francë që nga viti 1984, ish-udhëheqësi i një grupi të vogël të krishterësh libanezë marksistë pro-palestinezë ka qenë i kualifikuar për lirim për 25 vjet, por afërsisht dhjetë kërkesat e tija proceduriale penale për lirim janë refuzuar.

Libani tha se ishte jashtëzakonisht i kënaqur me vendimin.

“Ne e kemi pritur këtë moment për një kohë të gjatë. Ai mund të ishte liruar disa vite më parë - tha i ngarkuari me punë - duke shtuar se shteti libanez po merr të gjitha masat e nevojshme për të organizuar kthimin e tij në Liban në koordinim me autoritetet franceze”.

“Kthimi në Liban, ku Abdallah është i mirëpritur, është planifikuar për javën e ardhshme”, specifikoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit