PARLAMENTI I UKRAINËS VENDOSI QË ANDRIJ SIBIHA (ANDRIY SYBIHA) TË JETË MINISTRI I RI I PUNËVE TË JASHTME TË UKRAINËS.

Kiev, Ukrainë | Z. Andrij Sibiha (Andriy Sybiha) është ministri i ri i Punëve të Jashtme të Ukrainës.

Kështu vendosi parlamenti ukrainas, i cili konfirmoi nominimin e propozuar nga presidenti Voldimir Zelenski me 258 vota pro.

Këtë e raporton RBC Ukraine.

Pak më parë, Parlamenti ukrainas pranoi dorëheqjen e ministrit të Jashtëm Dmitro (Dmytro) Kuleba.

I lindur në qytetin e Zboriv - në rajonin Ternopol të Ukrainës perëndimore - 49-vjeçari Sibiha (Sybiha) u diplomua në Universitetin Shtetëror Ivan Franko Lviv me një diplomë në drejtësi dhe marrëdhënie ndërkombëtare.

Pas një karriere diplomatike mes Varshavës dhe Kievit, që nga viti 2012 është ushtrues detyre i drejtorit të Departamentit të Shërbimeve Konsullore të Ministrisë së Punëve të Jashtme.

Në vitin 2016, ai u emërua Ambasador i Jashtëzakonshëm dhe Fuqiplotë në Turqi.

Në vitin 2021, me dekret presidencial, u bë nënkryetar i Zyrës së Presidentit të Ukrainës.

12 prillin e kaluar - me vendim të qeverisë - ai u emërua zëvendësministër i parë i Jashtëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit