PARIS | U ARRESTUA DORASI QË THERI ME THIKË TRE GRA; AUTORITETET E HETIMIT PËRJASHTOJNË TERRORIZMIN SI MOTIV TË AKTEVE KRIMINALE.

Paris, Francë | “Burri që goditi me thikë tre gra në metronë e Parisit këtë pasdite është arrestuar dhe hetuesit aktualisht po përjashtojnë terrorizmin si motiv të mundshëm të akteve kriminale”.

Kështu raportojnë mediat vendore.

Sipas tyre, sulmuesi besohet të jetë i paqëndrueshëm mendërisht.

Ai iku menjëherë pas sulmeve dhe u arrestua në shtëpinë e tij në veri të kryeqytetit francez.

Viktimat nuk besohet të jenë në gjendje kërcënuese për jetën dhe plagët e tyre janë sipërfaqësore. Një grua u qëllua në këmbë dhe një tjetër në shpinë.

I dyshuari, i përshkruar si i dobët, me origjinë afrikane dhe i veshur me një pallto kaki, fillimisht sulmoi një grua me thikë në stacionin République, përpara se të vazhdonte për në stacionet Arts et Métiers dhe Opera.

Më pas ai iku përgjatë linjës 8, përpara se të arrestohej disa orë më vonë, pasi u lokalizua falë videove të mbikëqyrjes dhe gjeolokacionit të telefonit të tij celular.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit