PARAQITJA E PARË E ASADIT NË MOSKË | AI U FOTOGRAFUA SË BASHKU ME BASHKËSHORTEN E TIJ NË KRYEQYTETIN RUS: FILLIMISHT U DEKLARUA SE AVIONI I TYRE HUMBI NGA RADARËT.

Moskë, Federata Ruse | Presidenti sirian Bashar al-Assad dhe familja e tij ndodhen në Moskë, ku u është dhënë azil nga Rusia, sipas agjencisë ruse të lajmeve Sputnik.

Izraeli konfirmoi se sipas informacioneve të disponueshme në Izrael, Assad dhe familja e tij janë me të vërtetë në Rusi.

Tashmë janë botuar pamjet e para të ish-presidentit të Sirisë së bashku me gruan e tij në Moskë.

Sipas një zyrtari të Kremlinit të cituar nga mediat ruse, streha iu dha presidentit Asad dhe familjes së tij mbi baza humanitare.

Është e paqartë se kur presidenti Assad mbërriti në qytet, por tashmë u raportua mbrëmë se gruaja e tij Asma dhe fëmijët e tyre ishin larguar nga kryeqyteti sirian.

Duhet theksuar se qysh në mëngjes, pavarësisht raportimeve kontradiktore, u forcua dyshimi se Assad dhe familja e tij kishin ikur në Rusi dhe atje kishin marrë azil.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit