PAPA I THA PO KULTIT TË MEXHUGORJES.

Vatikan | Asgjë nuk e pengon Doktrinën e Besimit nga përvoja shpirtërore, frutet janë pozitive. Por kjo nuk nënkupton shpalljen e ngjarjeve të supozuara mbinatyrore si autentike.

Papa po i tha po kultit të Mexhugorjes.

Asnjë pengesë nga Vatikani për kultin e Medjugorjes.

Dakordësia vjen nga Doktrina e Besimit me miratimin e Papa Françeskut.

Kjo nuk nënkupton shpalljen e ngjarjeve të supozuara të mbinatyrshme si autentike, por vetëm nënvizon se në mes të këtij fenomeni shpirtëror të Mexhugorjes Fryma e Shenjtë vepron frytdhënësisht për të mirën e besimtarëve.

Prandaj, duke mos shprehur një gjykim mbi moralin e njerëzve, që, që nga viti 1981 thonë se e kanë parë Madonën, Vatikani tregon: “Pelegrinazhet nuk bëhen për t'u takuar me vizionarët e pretenduar, por për të pasur një takim me Marinë, Mbretëreshën e Paqes dhe për të takuar Krishtin”.

“Ka ardhur koha për të përfunduar një histori të gjatë dhe komplekse rreth fenomeneve shpirtërore të Mexhugorjes. Është një histori në të cilën ka pasur mendime të ndryshme nga peshkopët, teologët, komisionet dhe analistët”, nis prefekti i Doktrinës së Besimit në dokument, kardinali Viktor (Victor) Manuel Fernandez.

Besimtarët, të cilët janë shtuar vit pas viti, me një pauzë të vetme për Covid-in siç ndodhi në të gjitha objektet e adhurimit, në fakt kishin 43 vjet që prisnin vendimin e Selisë së Shenjtë.

Një komision i udhëhequr nga kardinali Kamilo (Camilo) Ruini gjithashtu punoi për çështjen, por vendimi vjen vetëm tani falë rregullave të reja që lejojnë jo vetëm një “po” ose “jo” të thjeshtë për shfaqjet, por edhe një sërë përgjigjesh të ndryshme.

“Në rastin e Mexhugorjes, shënimi i gjatë nga Vatikani rendit frutat pozitive, të bollshme, të përhapura, shumë të bukura, me njerëz që konvertohen, që vendosin të përqafojnë jetën fetare apo edhe thjesht të kthehen për t'u lutur. Kjo, megjithatë, nuk nënkupton shpalljen e ngjarjeve të supozuara mbinatyrore si autentike”.

Prandaj, dokumenti nuk flet për shfaqje, por megjithatë shqyrton mesazhet e supozuara, shumica e të cilave konsiderohen në përputhje me doktrinën katolike.

“Është e rëndësishme të sqarohet që në fillim se konkluzionet e këtij Shënimi nuk nënkuptojnë një gjykim në lidhje me jetën morale të gjoja shikuesve”, saktësohet më tej.

Dhe në çdo rast dhuratat shpirtërore - shpjegon më tej ish-Zyra e Shenjtë në dokumentin e miratuar nga Papa Françesku - nuk kërkojnë domosdoshmërisht përsosmërinë morale të njerëzve të përfshirë për të vepruar.

Në të njëjtën kohë, dhënia e pastajimit nënkupton se nuk është nxjerrë në pah asnjë falsifikim apo mitomani.

Në raste të tjera - një mbi të gjitha Trevignano - refuzimi i Vatikanit ishte pa apel dhe flitej qartë për jo mbinatyrshmërinë e fenomenit me pasojë ndalimin e besimtarëve që të vazhdojnë të ndjekin demonstrata të tilla.

Dokumenti për Mexhugorjen praktikisht fshin vizionarët, duke u kërkuar vetëm besimtarëve që të mos bëjnë pelegrinazhe me të vetmin qëllim për t'i takuar ata.

Megjithatë, më i ashpër ishte raporti i Komisionit Ruini, i cili, ndërsa saktësoi se nuk kishte elementë imoraliteti tek gjashtë personat që kanë thënë se e kanë parë Madonën që nga viti 1981, theksoi një marrëdhënie disi të paqartë me paratë.

Vatikani flet edhe për sqarime të nevojshme: Disa mesazhe të pakta distancohen nga këto përmbajtje shumë pozitive dhe edukuese, madje duket se i kundërshtojnë ato.

Është e rëndësishme të jemi të kujdesshëm që këto pak elemente konfuze të mos lënë në hije bukurinë e së tërës.

Së fundi, Doktrina e Besimit ofron indikacione operative: “Peshkopi i Mostarit-Duvno do të nxjerrë dekretin përkatës. Vizitori Apostolik i posaçëm për famullinë e Mexhugorjes, i cili do të vazhdojë të kryejë funksionet që i janë besuar, do të duhet të verifikojë që në çdo botim që mbledh mesazhe, ky Shënim përfshihet si Hyrje”.

Si për të gjithë peshkopët e tjerë, ata janë të thirrur të vlerësojnë vlerën baritore dhe gjithashtu të promovojnë përhapjen e këtij propozimi shpirtëror, por duke vlerësuar me maturi atë që ndodh në territorin e tyre, fuqia e secilit peshkop dioqezan për të vendosur në këtë drejtim mbetet i paprekur.

“Në fakt, edhe pse frytet pozitive të këtij fenomeni shpirtëror janë përhapur gjerësisht në mbarë botën, kjo nuk mohon se mund të ketë grupe apo njerëz që, duke e përdorur në mënyrë joadekuate këtë fenomen shpirtëror, veprojnë në mënyrë të gabuar”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit