PAPA FRANÇESKU THA NË TAKIMIN ME BESIMTARËT E PAPUA GUINESË SË RE: THESARI MË I MADH ËSHTË NË ZEMRAT TONA | 35 MIJË VETA NË MESHË NË STADIUMIN PORT MORESBI.

Port Moresbi, Papua Guinea e Re | “Duke parë përreth, shohim se sa i ëmbël është peizazhi i natyrës. Por duke u kthyer te vetja, kuptojmë se ka një spektakël edhe më të bukur”, tha Papa Françesku në takimin me besimtarët, në esplanadën përballë Katedrales Vanimo.

“Dhe misioni ynë është pikërisht ky: të përhapemi kudo, përmes dashurisë për Perëndinë dhe vëllezërit, bukurinë e Ungjillit të Krishtit”, tha Papa Françesku.

“Sipas Papës, është e rëndësishme që secili prej nesh të promovojë mesazhin misionar aty ku jeton: në shtëpi, në shkollë, në vendin e punës - radhiti ai - sepse kudo, në pyje, në fshatra dhe në qytete, në bukurinë e panoramave që korrespondojnë me atë të një komuniteti ku ne e duam njëri-tjetrin”.

“Kështu ne do të formojmë gjithnjë e më shumë një orkestër të madhe të aftë, me notat e saj, të rikompozojmë rivalitetet, të kapërcejmë ndarjet - vetjake, familjare dhe fisnore -; të dëbojmë frikën, bestytninë dhe magjinë nga zemrat e njerëzve; t'u japim fund sjelljeve shkatërruese të tilla si si dhuna, pabesia, shfrytëzimi, përdorimi i alkoolit dhe drogave: të këqija që bëjnë të pakënaqur dhe burgosin shumë vëllezër e motra edhe këtu”, tha Papa Françesku.

Françesku donte të kujtonte se dashuria është më e fortë se e gjithë kjo dhe bukuria e saj mund ta shërojë botën, sepse ajo i ka rrënjët te Zoti.

“Prandaj le ta përhapim dhe ta mbrojmë, edhe kur kjo mund të na kushtojë keqkuptime dhe kundërshtime”, shtoi ai.

“Dhe ai theksoi se sa shumë turistë, pasi vizitojnë vendin tuaj, kthehen në shtëpi duke thënë se kanë parë parajsën, duke iu referuar, përgjithësisht, peizazhit dhe atraksioneve mjedisore që kanë shijuar.

Megjithatë - vazhdoi Papa - thesari më i madh këtu nuk është ai. Ka një tjetër, më të bukur dhe magjepsës, që gjendet në zemrat tuaja dhe që manifestohet në dashurinë me të cilën e doni njëri-tjetrin. Kjo është dhurata më e çmuar që mund të ndani dhe të bëni të njohur për të gjithë, duke e bërë Papua Guinenë e Re të famshme jo vetëm për shumëllojshmërinë e saj të florës dhe faunës, për plazhet e saj magjepsëse dhe për detin e saj të pastër, por gjithashtu dhe mbi të gjitha për njerëzit e mirë që takoni atje”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit