___.png)
Vatikan | Papa Françesku niset sot për udhëtimin e tij në Azinë Juglindore dhe Oqeani, i 45-ti i Papës, i cili i bën vendet e vizituara nga Papa në 65.
Katër do të jenë ato të prekura nga Papa Bergolio deri më 13 shtator 2024 në itinerarin e tij në Tropikët midis Azisë dhe Paqësorit, udhëtimi i tij më i gjatë ndërkombëtar me 12 ditë kohëzgjatje dhe 32814 km udhëtim: Indonezia, Papua Guinea e Re, Timori Lindor dhe Singapori.
Temat kryesore: dialogu dhe bashkëjetesa paqësore midis besimeve të ndryshme, kërkimi i harmonisë në një shumëllojshmëri kulturash, mbrojtja e krijimit të kërcënuar nga kriza klimatike, afërsia dhe mbështetja për kishat e reja dhe të pakicave (me përjashtim të Timorit të vogël Lindor, ish-kolonisë Portugeze, veteran i luftës së pavarësisë nga Indonezia, i cili me 98% të popullsisë ka pjesën më të madhe të katolikëve në botë).
Nga ana tjetër, Indonezia është vendi me numrin më të madh të myslimanëve në planet.
Papa Françesku do të mbajë gjithsej 16 fjalime, të gjitha në italisht, përveç katër në Timorin Lindor, të cilat do të jenë në spanjisht.
Papa do të niset sot pasdite në orën 17:15 nga aeroporti i Fiumiçinos (Fiumicino) drejt Xhakartës, ku do të zbresë nesër në orën 11:30 me orën lokale (18:30 në Shqipëri).
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentarios