___.png)
Bruksel, Belgjikë | “Ndryshimet e epokës sonë dhe kriza e besimit që përjetojmë në Perëndim na kanë shtyrë të kthehemi te thelbësorja, pra tek Ungjilli”, tha Papa Françesku, duke folur për komunitetin katolik të Belgjikës, në Bazilikën e Zemrës së Shenjtë.
Për Papa Françeskun, ne nuk duhet të shkurajohemi sepse kur përjetojmë shkretim, në fakt, ne duhet të pyesim gjithmonë veten se çfarë mesazhi dëshiron të na komunikojë Zoti.
“Ne kemi kaluar nga një krishterim i vendosur në një kornizë shoqërore mikpritëse në një krishterim minoriteti, ose më mirë, në një krishterim dëshmie.
Dhe kjo kërkon guximin e një konvertimi kishtar, për të nisur ato transformime baritore që kanë të bëjnë gjithashtu me zakonet, modelet, gjuhët e besimit, në mënyrë që ato të jenë vërtet në shërbim të ungjillizimit”, tha Papa Françesku.
Papa Françesku u kthye sot për të folur për murtajën e abuzimit në Kishë.
Duke folur për komunitetin katolik të Belgjikës, në Bazilikën e Zemrës së Shenjtë, ai nënvizoi se abuzimi gjeneron vuajtje dhe plagë mizore, duke minuar gjithashtu rrugën e besimit.
Dhe ka nevojë për shumë mëshirë, për të mos mbetur me zemër prej guri përballë vuajtjeve të viktimave, t'i bëjmë ata të ndiejnë afërsinë tonë dhe të ofrojmë çdo ndihmë të mundshme, të mësojmë prej tyre të jemi një Kishë që i shërben të gjithëve pa nënshtruar askënd.
“Një rrënjë e dhunës është abuzimi me pushtetin, kur ne përdorim rolet që kemi për të shtypur të tjerët ose për t'i manipuluar ata”, tha Papa Françesku.
Papa Françesku i ftoi punëtorët baritorë të burgjeve që të kenë gjithmonë mëshirë.
“Ne të gjithë mund të bëjmë gabime. Askush nuk është i humbur përgjithmonë. Është e drejtë, pra, të ndjekim të gjitha rrugët e drejtësisë tokësore dhe rrugëve njerëzore, psikologjike dhe penale”, nënvizoi Papa Françesku.
“Prandaj ne duhet t'i ndihmojmë njerëzit të ngrihen dhe të gjejnë rrugën e tyre në jetë dhe në shoqëri.
Të kujtojmë: të gjithë mund të gabojmë, askush nuk humbet përgjithmonë. Mëshirë, gjithmonë mëshirë”, tha Papa Françesku.
“Kur hyj në burg pyes veten: pse ai dhe jo unë?”, përfundoi Papa.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments