PAPA FRANÇESKU EMËROI NJË GRUA NË KRYE TË DIKASTERIT TË JETËS SË PËRKUSHTUAR | ËSHTË MOTRA BRAMBILLA: PAPA FRANÇESKU DËRGOI KARDINALIN ANTI-TRAMP NË UASHINGTON.

Vatikan | Papa Françesku kishte thënë disa herë se donte të emëronte një grua si kryetare të një dikasteri.

Sot vendosi që motra Simona Brambilla të jetë prefekte e dikasterit që merret me urdhrat fetarë; pranë saj do të jetë një pro-prefekt, kardinali Angel Fernadez Artime, rektor historik i Salezianëve.

Një tjetër emërim i rëndësishëm, i cili, mbërriti sot, është ai i kardinalit Robert McElroy, i cili, do të drejtojë dioqezën e Uashingtonit. Ai është një nga figurat më përparimtare në Kishën e Shteteve të Bashkuara.

Një kampion i të drejtave të emigrantëve dhe personave LGBTQ+, McElroy, deri tani peshkop i Shën Diegos (San Diegos), nuk e ka fshehur kurrë kritikën e tij ndaj politikës së migracionit të presidentit të ri të SHBA-së, Danlld Tramp (Donald Trump).

Prandaj, një grua ngjitet në një nga pozicionet më të larta në hierarkinë e Vatikanit.

Ajo është fetare, misionare, por edhe eksperte në luftën kundër abuzimit, një nga çështjet më delikate në urdhrat e jetës së përkushtuar.

Vjen nga ai kongregacion, Misionarët Konsolatë (Consolata), i cili, ka ndër kardinalët e tij Gilfredo Marengo-n, misionar në Mongoli, i cili, u themelua nga prifti torinez Xhuzepe (Giuseppe) Allamano, të cilin, Papa françesku donte ta shpallte shenjtor tetorin e kaluar.

Motra Brambilla lindi në Monxa më 27 mars të vitit 1965. Pasi mori një diplomë profesionale për infermieri në vitin 1986, në vitin 1988 hyri në Institutin e Motrave Misionare të Konsolatës, ku në vitin 1991 ushtroi profesionin e saj të parë fetar.

Në vitin 1998 ajo mori një diplomë për psikologji nga Instituti i Psikologjisë i Universitetit Papnor Gregorian.

Në vitin 1999, ajo shkoi në Mozambik, ku punoi në shërbimin e rinisë në Qendrën e Studimit Macua Xirima në Maua.

Nga viti 2002 deri në vitin 2006 ka qenë profesoreshë në Institutin e Psikologjisë të Universitetit Papnor Gregorian.

Në vitin 2011 ajo u zgjodh Superiore e Përgjithshme e Institutit të Motrave Misionare të Konsolatës dhe u rizgjodh në vitin 2017, deri në muajin maj të vitit 2023.

Që nga viti 2019 është anëtare e Dikasterit për Institutet e Jetës së Përkushtuar dhe Shoqëritë e Jetës Apostolike. Prej sot është prefekte.

Emërimi tjetër i sotëm ka të bëjë me Kishën Amerikane; Papa po dërgon një kardinal anti-Tramp në Uashington, veçanërisht në lidhje me mbrojtjen e të drejtave të emigrantëve.

Një mesazh i qartë për presidentin e ri që do të marrë detyrën më 20 janar 2025. Z. Tramp, nga ana e tij, njoftoi më 20 dhjetor se z. Brian Burch do të ishte ambasadori i ri në Selinë e Shenjtë.

Themeluesi i CatholicVote, ai është i njohur për kritikat e tij të hapura ndaj pontifikatit të Papa Françeskut dhe për qëndrimet e tij fort konservatore.

Zgjedhje nga të dyja palët që nënvizojnë identitetin dhe objektivat e tyre. Selia e Shenjtë ende shikon nga z. Tramp për të kuptuar nëse presidenca e tij mund të luajë një rol në qetësimin e konflikteve të vazhdueshme në shumë zona të planetit.

Emërimi i z. McElroy - i cili zëvendëson z. Card Wilton Gregory, me moshë 77 vjeç, i cili, ka udhëhequr Kryedioqezën e Uashingtonit që nga viti 2019, ku ishte kryepeshkopi i parë afrikano-amerikan - mbërrin në prag të takimit midis Papës dhe presidentit në largim Xhëu Baidn (Joe Biden), të planifikuar për të premten më 10 janar 2025.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit