PALERMO: ZYRA E PROKURORIT TË PALERMOS E KOORDINUAR NGA MAURICO DE LUÇIA (MAURIZIO DE LUCIA) URDHËROI ARRESTIMIN E DY QYTETARËVE NGA BANGLADESHI | BËNIN THIRRJE PËR AKTE TERRORI.

Palermo, Itali | Zyra e prokurorit të Palermos, e koordinuar nga Maurico de Luçia (Maurizio de Lucia), ka urdhëruar arrestimin e dy qytetarëve nga Bangladeshi të akuzuar për nxitje për të kryer krime të lidhura me terrorizmin.

Të dy, përkatësisht 21 dhe 18 vjeç, përhapën materiale propagandistike të Shtetit Islamik dhe bënë thirrje për xhihad, martirizim dhe përdorim dhune.

Gjykatësi hetues urdhëroi që të dy burrat të mbaheshin në arrest shtëpiak me detyrimin për të mbajtur një byzylyk elektronik.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit