PALERMO: XHOVANI BRUSKA (GIOVANNI BRUSCA) - EKZEKUTORI I MASAKRËS SË KAPAÇIT - QË AKTIVIZOI TELEKOMANDËN QË SHKAKTOI SHPËRTHIMIN NË TË CILIN U VRA MAGJISTRATI XHOVANI FALKONE DOLI NGA BURGU.

Palermo, Itali | Z. Xhovani Bruska (Giovanni Brusca), ekzekutori i Masakrës së Kapaçit (Capaci), bosi i mafias që aktivizoi telekomandën që shkaktoi shpërthimin më 23 maj 1992, në të cilin, u vranë magjistrati Xhovani Falkone (Giovanni Falcone), gruaja e tij Françeska (Francesca) Morvillo dhe agjentët e eskortës, është i lirë.

Në fund të majit, kaluan 4 vitet e provës të vendosura ndaj tij nga magjistratët e mbikëqyrjes, borxhi i fundit me drejtësinë i shefit të Shën Xhuzepe Jatos (San Giuseppe Jato), i cili, ishte fajtor për dhjetëra vrasje dhe i cili, pas arrestimit të tij dhe pas një pendimi të rremë fillestar, vendosi të bashkëpunonte me drejtësinë.

Në total, ai kreu 25 vjet burg.

Polemika të ashpra pasuan lirimin e tij dhe vendimin për ta vënë në provë.

Ai do të vazhdojë të jetojë larg Siçilisë me një identitet të rremë dhe do të mbetet subjekt i programit të mbrojtjes.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit