___.png)
Sana, Jemen | Rrëshqitjet e dheut shkatërruan shtëpi dhe dyqane mbrëmjen e së martës, duke varrosur banorët.
Të paktën 24 persona kanë vdekur ndërsa 17 të tjerë janë zhdukur në Jemenin perëndimor për shkak të përmbytjeve të shkaktuara nga shirat e rrëmbyeshëm, njoftoi Fondi i Kombeve të Bashkuara për Popullsinë (UNFPA), ndërsa operacionet e kërkim-shpëtimit janë duke u zhvilluar.
Shirat e dendur për një javë në Jemenin perëndimor kanë shkaktuar dëme të mëdha në një zonë të varfër të vendit dhe në provincën fqinje Hodeidah në Detin e Kuq.
Rrëshqitjet e dheut shkatërruan shtëpi dhe dyqane në lagjen Melhan të provincës Al Mahwayt të martën mbrëma, duke varrosur banorët.
Zyra e UNFPA në Jemen raportoi 24 të vdekur dhe 17 të plagosur nëpërmjet rrjetit cocial virtual Iks (X) pas përmbytjeve katastrofike të shkaktuara nga shirat dhe thyerja e tre digave në zonën e kontrolluar nga Huthitë.
Sipas agjencisë së OKB-së, 1020 familje u prekën dhe dhjetëra shtëpi u shkatërruan.
Një numërim i mëparshëm, i transmetuar nga rrjeti televiziv Huthi Al Masira, tha se 16 veta u vranë në provincën Al Mahwayt, në perëndim të kryeqytetit Sanaa.
“Rrugët që janë ndërprerë për shkak të përmbytjeve kanë penguar lëvizjen e ekipeve të kërkim-shpëtimit (…) por operacionet (që filluan dje të mërkurën) po vazhdojnë”, tha zëvendëskryeministri Houthi, Mohammed al-Muftah për Al. - Masira.
Rrjeti televiziv nuk raportoi çarje dige.
Në fshatin Hays, Ahmed Suliman nuk e fsheh dëshpërimin: ai ka humbur gjithçka. “Përmbytjet na morën shtëpinë, kafshët tona, të gjitha mallrat tona, batanijet, gjithçka kishim në shtëpi”.
Malet e Jemenit perëndimor përjetojnë shira të dendur çdo vit. Që nga fundi i muajit korrik, shirat e rrëmbyeshëm kanë vrarë rreth gjashtëdhjetë civilë dhe kanë prekur 268000 veta në shtetin më të varfër të Gadishullit Arabik, sipas Kombeve të Bashkuara.
Në muajt në vijim priten reshje të reja të dendura në pjesën qendrore dhe perëndimore të vendit.
“Malësitë në pjesën qendrore të vendit, zonat bregdetare në Detin e Kuq dhe pjesë të malësive jugore pritet të regjistrojnë nivele të paprecedentë të (shiut) prej më shumë se 300 milimetra” të ujit, paralajmëroi Organizata Botërore e Shëndetësisë (OBSH).
OKB-ja tha në fillim të këtij muaji se nevojiteshin 4.9 milionë dollarë për të nxitur reagimin ndaj emergjencës ekstreme të motit në Jemen, i cili është shkatërruar nga lufta civile për më shumë se një dekadë.
Ndryshimi i klimës po rrit shpeshtësinë dhe intensitetin e reshjeve sezonale në malësitë e Jemenit, shumica e të cilave kontrollohen nga Huthitë.
Qeveria rebele, në pushtet në kryeqytet dhe në pjesën më të madhe të pjesës veriore të territorit, njoftoi të mërkurën e kaluar se kishte formuar një komitet për të menaxhuar krizën dhe kishte filluar shpërndarjen e ushqimeve dhe marrjen e masave për strehimin e familjeve të prekura nga përmbytjet.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments