___.png)
Berat, Shqipëri | Përfundoi me sukses ndërhyrja restauruese në kishën e Shën Nikollës, Monument Kulture, Kategoria I, e ndodhur në lagjen “Kala”, të qytetit të Beratit.
Kisha e Shën Nikollës ndodhet në krahun perëndimor të kalasë së Beratit, pranë kishës bizantine të Shën Mëri Vllahernës.
Periudha e ndërtimit sipas mbishkrimit që gjendet në murin e brendshëm i përket fundit të shekullit të 16-të.
Në përbërje të saj ka tri hapësira kryesore. Në qendër ndodhet ambienti kryesor i qarkuar me mure dhe i mbuluar më çati 3-ujëshe ndërsa në të dy anët zhvillohen dy ambiente të tjera edhe këto të pajisura me absida në anën lindore të tyre.
Pjesa e brendshme e mureve është e veshur me afresk, i cili, ruhet në gjendje të mirë.
Problematikat e shfaqura përpara ndërhyrjes restauruese lidheshin me degradimin e elementëve të mbulesës së çatisë, dëmtimin e tjegullave mbi murin rrethues të kishës, dhe dëmtimin e materialit drusor të derës anësore të kishës.
Projekti i mirëmbajtjes hartuar nga specialistët e Drejtorisë Rajonale të Trashëgimisë Kulturore Berat (i miratuar nga IKTK-ja) synoi ruajtjen e vlerave arkitektonike dhe historike të kishës.
Gjatë ndërhyrjes u realizua qeramosja e çatisë me tjegulla vendi; vendosja e një ulluku për shkarkimin e ujërave të shiut dhe shmangien e lagështisë; u mbulua me mur guri me tjegulla vendi në pjesët e dëmtuara dhe u restaurua pjesërisht dera, e përbërë nga material drusor.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments