OBSERVATORI KOMBËTAR PËR TË DREJTAT E NJERIUT NË SIRI: 238 TË VRARË NË 48 ORË NË OFENSIVËN PRO-TURKE KUNDËR KUNDËR QEVERISË SIRIANE + BASTIONIT RUS DHE IRANIAN TË ALEPPOS.

Alepo, Siri | 238 njerëz u vranë në një ofensivë ushtarake 48-orëshe nga forcat pro-turke në Sirinë veriperëndimore kundër qeverisë, bastionit rus dhe iranian të Aleppos.

Kjo është raportuar nga Observatori Kombëtar për të Drejtat e Njeriut në Siri, sipas të cilit, shumica e të vrarëve ishin burra të armatosur nga fraksionet e ndryshme luftarake, ndërsa civilët e vrarë, përfshirë gra dhe fëmijë, ishin rreth 20.

Forcat ajrore ruse janë rikthyer në aksion mëngjesin e sotëm në Siri, duke bombarduar forcat proturke vendase dhe të huaja, të cilët, prej dy ditësh kanë nisur një ofensivë të befasishme kundër Alepos dhe rajonit të tij.

Kjo u raportua nga mediat siriane, sipas të cilave avionët e Moskës bombarduan Khan al Asal, një qytet në periferi perëndimore të Alepos dhe pika më e avancuar e ofensivës së forcave të kooptuara nga Ankaraja.

Rezidencat universitare në Aleppo, në veri-perëndim të Sirisë, u bombarduan mëngjesin e sotëm nga artileria e fraksioneve të armatosura lokale pro-turke si pjesë e ofensivës së tyre kundër forcave qeveritare siriane, ruse dhe iraniane në metropolin e shkatërruar sirian.

Kjo është bërë e ditur nga Observatori Kombëtar për të Drejtat e Njeriut në Siri.

Agjencia qeveritare siriane SANA raportoi për vrasjen e 4 civilëve në sulm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit