___.png)
Oslo, Mbretëria e Norvegjisë | Mbretëria e Norvegjisë do të kërkojë një opinion këshillues nga Gjykata Ndërkombëtare e Drejtësisë (GjND) për të dënuar qeverinë izraelite për përfundimin e bashkëpunimit me agjencinë humanitare palestineze të Kombeve të Bashkuara (UNRWA).
Këtë e raporton gazeta britanike Rojtari (The Guardian).
Muajin e kaluar, Knesset i Izraelit miratoi dy projektligje që ndalojnë UNRWA-n të hyjë në territorin izraelit dhe që ndalon shtetin izraelit të kontaktojë agjencinë, masa që do ta pengonin atë të dërgonte ndihma në Gaza, pas akuzave nga Izraeli se anëtarët e stafit të UNRWA-s në Gaza ishin të përfshirë në sulmet terroriste të 7 tetorit 2023.
OKB-ja nisi një hetim mbi pretendimet izraelite dhe pushoi nëntë anëtarë të stafit të UNRWA-s si rezultat.
Zv/ministri i Jashtëm norvegjez Andreas Motzfeldt Kravik mbajti konsultimet fillestare në OKB në Jorkun e Ri për të diskutuar një projekt-rezolutë që do t'i paraqitet Asamblesë së Përgjithshme të OKB-së, e cila, do të kërkonte një opinion këshillues nga Gjykata e Kombeve të Bashkuara për të mbrojtur ekzistencën e UNRWA-s.
Agjencia e OKB-së tha se Izraeli shkatërroi ose dëmtoi dy të tretat e objekteve të tij në Gaza dhe se 243 veta nga stafi i saj u vranë.
Ligji i miratuar nga parlamenti izraelit më 28 tetor pritet të hyjë në fuqi brenda tre muajve dhe ka të ngjarë të mbështetet nga administrata e re Tramp në Shtetet e Bashkuara të Amerikës.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commentaires