NJË USHTAR AMERIKAN ËSHTË AKUZUAR PËR PËRDHUNIM NË OKINAUA | EPISODI ËSHTË RASTI I TRETË I DHUNËS SEKSUALE QË U ATRIBUOHET USHTARËVE AMERIKANË TË VENDOSUR NË OKINAUA QË NGA FILLIMI I VITIT 2024.

Okinaua, Japoni | Episodi, i cili daton në qershorin e kaluar, është rasti i tretë i dhunës seksuale që u atribuohet ushtarëve amerikanë të vendosur në Okinaua që nga fillimi i vitit 2024.

Një ushtar 20-vjeçar i Korpusit të Marinës amerikane është referuar tek prokurorët japonezë në prefekturën Okinaua-s me akuzën e përdhunimit dhe plagosjes së një gruaje të re.

Episodi, i cili daton në qershorin e kaluar, është rasti i tretë i dhunës seksuale që u atribuohet ushtarëve amerikanë të stacionuar në Okinaua që nga fillimi i vitit 2024.

Rasti i fundit u raportua në polici nga institucioni mjekësor në të cilin shkoi viktima pasi kishte vuajtur dhunën.

I dyshuari, i cili ndodhet në paraburgimin e autoriteteve ushtarake amerikane, u mor në pyetje në baza vullnetare nga policia lokale, e cila gjithashtu mblodhi prova kundër tij përmes mesazheve në internet dhe pamjeve të kamerave të vëzhgimit.

Dy raste të ngjashme që ndodhën muajt e fundit e kanë shtyrë qeverinë japoneze të rishikojë rregulloret në lidhje me ndarjen e informacionit në lidhje me krimet e kryera nga pjesëtarët e forcave të armatosura të SHBA-së në vend, pas polemikave të ashpra nga qeveria prefekturale e Okinauas dhe opinioni publik për vonesa disamujore në zbardhjen e rasteve.

Marsin e kaluar, një ushtar i Forcave Ajrore të SHBA në Okinaua u akuzua për rrëmbim dhe përdhunim të një vajze të mitur.

Në muajin maj, megjithatë, një marins amerikan u arrestua për plagosjen e një gruaje në përpjekje për ta përdhunuar.

Incidentet janë vetëm të fundit në një seri rastesh të ngjashme të cilat gjatë viteve kanë përfshirë personelin ushtarak amerikan të vendosur në Okinaua, duke kontribuar në ndërlikimin e bashkëjetesës midis komuniteteve lokale dhe kontigjentit të Forcave të Armatosura të SHBA-së të pranishme në arkipelagun jugor japonez.

Qershorin e kaluar mediat amerikane parashikuan që transferimi i pjesshëm në Guam i kontingjentit të marinës amerikane të vendosur në prefekturën e Okinauas do të fillojë në muajin dhjetor.

Plani, i rënë dakord nga qeveritë japoneze dhe amerikane që nga viti 2012, përfshin transferimin në Guam të 4000 nga rreth 19000 marinsat amerikanë të vendosur aktualisht në Okinaua.

Procesi pritet të përfundojë deri në vitin 2028, sipas Shërbimit Kërkimor të Kongresit Amerikan dhe burimeve të tjera të cituara nga agjencia e lajmeve “Kyodo”.

Pesë mijë marinsa të tjerë duhet të transferohen në Havai (Hawaii) në të ardhmen dhe të tërhiqen në SHBA, duke reduktuar kështu kontingjentin e Okinauas në rreth 10 mijë burra.

Që nga Lufta e Dytë Botërore, prania masive ushtarake amerikane në Okinaua ka qenë objekt polemikash dhe rezistence nga komuniteti lokal, i cili, ankohet për dëmtime mjedisore, rreziqe të sigurisë dhe madje edhe akte brutale të krimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit