___.png)
Kajro, Egjipt | Egjipti kthehet për të kërkuar kthimin e Gurit të Rozetës, artefaktit të çmuar që daton në vitin 196 pas Krishtit, dhe që u zbulua rastësisht në vitin 1799, i cili përmban një mbishkrim të përkthyer në tre drejtshkrime, hieroglifë, demotikë dhe greqisht të vjetër dhe që bëri të mundur deshifrimin e shkrimeve më të vjetra në botën e atëhershme të njohur.
Aktualisht ndodhet në Muzeun Britanik dhe Kajro ka kërkuar vazhdimisht kthimin e tij më kot.
Këtë e ka bërë të ditur egjiptologu më i famshëm i gjallë, egjiptiani Zahi Hauas (Hawass), duke prezantuar lindjen e një fondacioni që mban emrin e tij, i angazhuar për ruajtjen e trashëgimisë arkeologjike.
Gjatë një konference të mbajtur në Kajro në prani të ambasadorëve të shumtë dhe kreut të delegacionit evropian në Kajro, Krishtiën (Christian) Berger, z. hauas (Hawass) tha se një peticion për rikuperimin e Stelës ka marrë tashmë 300 mijë nënshkrime, me qëllim që të arrijë një milion.
Në takim morën pjesë personalitete të rëndësishme të kulturës egjiptiane, ish-ministri i Turizmit dhe Antikiteteve, Khaled El Anani, kandidat egjiptian për postin e Drejtorit të Përgjithshëm të UNESCO-s dhe ambasadorë të ndryshëm, si dhe kreu i delegacionit të Bashkimit Evropian në Kajro Krishtiën (Christian) Berger.
Z. Hauas (Hawass), vetë ish-ministër i Antikiteteve, shpjegoi se Fondacioni i ri është një organizatë jofitimprurëse që synon mbi të gjitha të bashkojë burimet financiare për rikuperimin dhe ruajtjen e trashëgimisë kulturore egjiptiane, ende kryesisht për t'u zbuluar dhe pjesërisht për t'u rikuperuar.
“Ne nuk do të ndërhyjmë në punën e përditshme në sektorin e antikave - tha egjiptologu, por do të bashkëpunojmë me institucione të shumta.
Do të ndihmojmë Këshillin e Lartë të Antikiteteve, do të mësojmë hieroglifë në shkolla.
Është e rëndësishme të valorizojmë dhe përhapim historia faraonike në Egjipt dhe do të jetë e vetmja periudhë historike që Fondacioni do të trajtojë në mënyra të ndryshme”, tha ai.
Ndër të tjera do të organizohen udhëtime për fëmijët në zona arkeologjike dhe një program për studentët e universitetit.
Fondacioni - shtoi ai - do të pranojë donacione nga jashtë, duke u mbështetur gjithashtu në burimet kombëtare dhe do të krijojë bursa për arkeologët.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
