___.png)
Ankara, Turqi | Një i ri i maskuar, i veshur me helmetë dhe jelek antiplumb, goditi me thikë dhe plagosi të paktën pesë veta - njëri prej tyre rëndë - në kopshtin e një xhamie në Eskisehir, Turqi, përpara se të arrestohej.
Këtë e raportoi shtypi lokal.
I dyshuari 18-vjeçar, i armatosur me një thikë të gjatë, filmoi sulmin e tij në kopshtin e çajit të një xhamie dhe e transmetoi drejtpërdrejt në rrjetin social virtual Iks (X), përpara se të ndalohej nga policia dhe të vendosej në paraburgim.
Disa media raportojnë për shtatë persona të plagosur, njëri prej të cilëve është shtrirë në tokë, sipas pamjeve të botuara.
Sulmuesi nuk bërtiti ose nuk dha arsye për veprimin e tij, sipas gazetës Cumhuriyet, e cila tha se ai pretendon se i riu ishte i ndikuar nga lojërat e luftës.
“Sulmuesi ishte i veshur si një personazh loje, me sëpatë në brez, i veshur me një jelek antiplumb dhe helmetë, me fytyrën e maskuar”, raportoi uebfaqja Eskisehir Durum.
Pamjet që ai ka shkrepur drejtpërdrejt nga vetja tregojnë se ai mbante edhe syze mbi maskë, duke fshehur plotësisht fytyrën.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentarios