NJË FILXHAN KAFE NË BARET ITALIANE PRITET TË KUSHTOJË 2 EURO | RRITJA E ÇMIMIT LEGJITIMOHET PËR SHKAK TË RRITJES SË KOSTOVE TË LËNDËVE TË PARA DHE NDRYSHIMEVE KLIMATIKE.

Romë, Itali | “Në 3 vitet e fundit çmimi i një filxhani kafeje është rritur me 15 për qind.

Sot mesatarisht një kafe në një lokal kushton 1.50 euro dhe llogaritet se mund të arrijë në 2 euro në muajt në vijim për shkak të çmimit të lëndës së parë, kafesë jeshile, e cila ndikohet nga luhatshmëria e lartë dhe një trend i paparë rritës”. tha znj. Kristina Skoçia (Cristina Scocchia), CEO e Illycaffè.

“Sot kafeja jeshile kushton 245 cent për paund, 66 për qind më shumë se vitin e kaluar, më shumë se dyfish në krahasim me 3 vjet më parë” shpjegoi ajo.

“Ka shumë shkaqe, e para është sigurisht ndryshimi klimatik që mund të përgjysmojë tokën e kultivuar deri në vitin 2050.

Vetëm mendoni e asaj që po ndodh muajt e fundit: kalojmë nga shirat e rrëmbyeshëm në Brazil në thatësirën në Vietnam, por - vazhdoi ajo - në afat të shkurtër dhe të mesëm zinxhiri i furnizimit është gjithashtu nën presion për shkak të problemit të lidhur me Kanalin e Suezit, rritja e kostove dhe zgjatja e afateve kohore, dhe për shkak të spekulimeve në lidhje me mallrat e buta në përgjithësi”.

“Në veçanti, në periudhën dyvjeçare 2022/2023 kostot e prodhimit të illycaffè u rritën me 17 për qind, por ne ia kaluam konsumatorëve vetëm një të tretën e kësaj rritjeje të kostove (3 për qind në janar 2022 dhe 3 për qind në janar 2023).

Në momentin - përfundoi CEO i illycaffè - ne nuk synojmë të rrisim çmimin e produkteve tona për të ndihmuar klientët tanë fundorë, si B2B ashtu edhe B2C, por me sa duket ne do të duhet ta rishikojmë këtë vendim nëse do të vazhdojë trendi rritës”.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit