___.png)
Tiranë, Shqipëri | Ndërprerja e energjisë goditi Malin e Zi, Bosnjën, Shqipërinë dhe bregdetin adriatik të Kroacisë.
Mali i Zi, Bosnja dhe pjesa më e madhe e bregdetit të Adriatikut të Kroacisë, ku temperaturat iu afruan 40 gradë Celcius, përjetuan një ndërprerje të madhe të energjisë të premten, sipas shpërndarësit të energjisë malazeze CEDIS dhe mediave lokale.
“Pothuajse e gjithë zona e Malit të Zi është pa energji për shkak të ndërprerjeve të rrjetit”, tha CEDIS në faqen e tij në Facebook.
Një reporter i entit mediatik Rojtërs (Reuters) tha se kryeqyteti Sarajeva dhe qytetet e Banja Lukës dhe Mostarit ishin pa energji elektrike.
Mediat lokale raportuan një ndërprerje të energjisë në të gjithë vendin.
Ndërmarrja e energjisë HEP e Kroacisë tha se ndërprerja në disa pjesë të vendit ishte shkaktuar nga një shqetësim ndërkombëtar që preku disa vende.
“Operatori kroat i sistemit të transmetimit po kryen një analizë me operatorët e sistemit të vendeve fqinje për të përcaktuar shkakun”, tha HEP, duke shtuar se kishte vënë në funksionim të plotë kapacitetet e veta prodhuese për të siguruar furnizimin në kohën më të shkurtër të mundshme.
Shumica e bregdetit të Adriatikut të Kroacisë ishte pa energji elektrike, raportoi TV shtetëror HRT.
“Ai tha se trafiku në qytetin bregdetar të Splitit ishte ndalur pasi semaforët pushuan së funksionuari. Sirenat e ambulancave mund të dëgjoheshin në të gjithë qytetin”, tha ai.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments