___.png)
Napoli, Itali | Burri i zbuluar nga policia financiare në provincën e Napolit, me ndihmën e gruas së tij, nuk kishte probleme me ecjen dhe kryerjen e aktiviteteve të tjera pa ndihmë.
Për 20 vite, një i verbër i rremë ka marrë pensionin e invaliditetit me ndihmën e gruas së tij, duke arkëtuar një shumë që kalon 120 mijë euro.
Mashtrimi i zbuluar në provincën e Napolit nga policia financiare e Torre Anunciatës (Torre Annunziata), e cila, shkaktoi sekuestrimin e 124794.05 eurove nga dy bashkëshortët me banim në Kastelamare (Castellammare) di Stabia.
Të dy janë nën hetim për veprën penale të mashtrimit të rëndë për të përfituar fonde publike.
Sipas asaj që rezultoi gjatë hetimeve, që nga viti 2004, burri kishte marrë pagesën e invaliditetit pa plotësuar kërkesat - pasi ishte me shikim të dëmtuar dhe jo totalisht i verbër - pensionin e verbërisë absolute dhe kompensimin shoqërues, duke e vënë veten përgjegjës për veprën e mashtrimit të rënduar që synon marrjen e paligjshme të përfitimeve të aftësisë së kufizuar.
Ai bënte një jetë në dukje normale, pa pasur nevojë për mbështetje të veçantë, siç ndodh me njerëzit vërtet të verbër.
Videot e marra nga financuesit tregojnë se njeriu është në gjendje të ecë dhe të kalojë rrugën pa pasur nevojë për ndihmë, pavarësisht trafikut të rëndë të automjeteve, të mbajë çanta pazaresh dhe të fusë çelësat në bravën e derës pa eksplorim manual.
Në të vërtetë, siç thuhet në një shënim të nënshkruar nga prokurori Nunci (Nunzio) Fragliasso, gjatë një kontrolli për lëshimin e një faturë nga ushtarakët, burri ka firmosur raportin pa probleme dhe pa shfaqur asnjë lloj vështirësie vizuale.
Me sjelljen e tij, i dyshuari do të kishte marrë pa të drejtë pensionin e invaliditetit dhe kompensimin shoqërues për gati 20 vjet për një shumë mujore të barabartë me 713 euro dhe në total, në 15 vitet e fundit, në 124794,05 euro.
Financierët konstatuan gjithashtu se pensioni i invaliditetit të marrë në mënyrë të paligjshme është përdorur nga i dyshuari për të paguar prej vitesh hipotekën e marrë nga gruaja e tij për blerjen e shtëpisë, ku banojnë ende të dy bashkëshortët.
Gjatë ekzekutimit të masës së sigurimit të vërtetë, të kryer nga Guardi di Finanzia është vendosur kufizim gjyqësor për marrëdhëniet bankare që u atribuohen të dy të dyshuarve si dhe për pasurinë në pronësi të bashkëshortes së të dyshuarit deri në shumën e pensionit të marrë në mënyrë të paligjshme.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments