Romë, Itali | Strukturat e Posaçme italiane të hetimit penal arrestuan:
1- Vath Balla, me moshë 31 vjeç, lindur dhe banues në Durrës.
Arrestimi i tij u krye me qëllim ekstradimin drejt autoriteteve shqiptare të drejtësisë penale.
Policia e Shtetit thotë se ky person është shpallur në kërkim ndërkombëtar, pasi Gjykata e Rrethit Gjyqësor, Durrës ka caktuar për këtë shtetas masën e sigurisë “Arrest me burg”, për veprën penale “Prodhimi dhe shitja e narkotikëve”.
Më datë 12.06.2019 në Durrës, shtetasi Vath BALLA f/n Vath, u ka shitur narkotikë, e ndarë në doza, personave të ndryshëm.
Më datë 19.06.2019 në Durrës, ai i ka shitur 4.5 gramë kokainë një agjenti nën mbulim.
Më datë 22.06.2019 po në Durres, ai i ka shitur sërish, 5 gramë kokainë një agjenti nën mbulim.
Hetimet e mëtejshme kanë treguar se shtetasi Vath BALLA kishte rreth 5 kg kokainë, dhe 7 kg heroinë të cilat donte t’i shiste.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments