NË ISHUJT KANARIE DO TË NDËRTOHET FERMA E PARË NË BOTË E MBARSHTIMIT TË OKTAPODËVE | SHKENCËTARË DOLËN KUNDËR PROJEKTIT PËR SHKAK SE OKTAPODI KONSIDEROHET TEJET INTELIGJENT DHE SI I TILLË I NDJESHËM.

Ishujt Kanarie, Mbretëria e Spanjës | Ferma e parë e oktapodëve në botë është planifikuar të ndërtohet në Ishujt Kanarie të Spanjës dhe pritet të mbledhë rreth një milion oktapodë në vit për konsum ushqimor.

Megjithatë, shkencëtarët kanë shprehur shqetësime të thella për planin për të ndërtuar këtë fermë, duke përmendur shqetësimet për mirëqenien e krijesave, të cilat janë të njohura për nivelin e tyre të lartë të inteligjencës.

Rreth 350000 ton oktapod kapen çdo vit, që është mbi 10 herë më shumë se numri i oktapodëve të kapur në vitin 1950, dhe kjo rritje e aktivitetit të peshkimit po ushtron presion të konsiderueshëm mbi popullatat e oktapodëve në mbarë botën.

Një studim i kohëve të fundit gjeti prova të forta se oktapodët ndiejnë dhe reagojnë ndaj dhimbjes në mënyrë të ngjashme me gjitarët.

Pavarësisht se kanë një sistem nervor thelbësisht të ndryshëm, cefalopodët kanë treguar karakteristika që tregojnë se mund të përjetojnë gjendje negative emocionale.

Këto përvoja mund të çojnë në ndryshime të qëndrueshme që i prekin ato për një afat të gjatë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit