___.png)
Teheran, Iran | Z. Seyyed Mohammad Mirmousavi, një i ri iranian nga Lahijan në provincën veriore të Gilanit, vdiq në paraburgim për shkak të torturave të kryera nga agjentët e forcave speciale që e arrestuan atë.
Këtë e denoncon OJQ-ja për të drejtat e njeriut Hengaw, me seli në Norvegji, duke publikuar një video në të cilën shihet trupi i një burri me shpinë të fryrë dhe të gjakosur.
Sipas OJQ-së, pas vdekjes së të riut, e cila ndodhi në të njëjtën ditë me arrestimin më 24 gusht 2024, familja është urdhëruar të mos flasë publikisht për rastin, ndërsa dje janë arrestuar 5 oficerë pas një hetimi nga prokuroria.
“I riu ishte arrestuar gjatë një konflikti - raporton QJO-ja Hengaw - dhe sipas dëshmisë së një personi që ka larë trupin, forcat e sigurisë e kanë lënduar në shpinë dhe në bel duke e torturuar dhe i mbajtuar këmbët dhe duart e lidhura”.
Prokuroria e Lahijanit njoftoi dje një hetim për vdekjen e dyshimtë të një të arrestuari, por pa përmendur identitetin e z. Mirmousavi.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments