NË ARGJENTINË KLASA E MESME PO BRAKTIS DOLLARIN DHE PO INVESTON NË TREGJET FINANCIARE | “LETRA E GJELBËR” NUK OFRON MË GARANCI PËR T’U PËRDORUR SI MJET KURSIMI NGA KLASA E MESME.

Buenos, Aries, Argjentinë | Në ekonominë e re ultra-liberale të presidentit argjentinas Javier Mileit, klasa e mesme argjentinase, e mësuar deri më tani të strehohet te dollari për të mbrojtur vlerën e kursimeve të saj përballë inflacionit, tani është e detyruar të investojë në tregjet financiare.

Një artikull i gazetës Clarin që hulumton këtë fenomen të ri flet për tregtarët e klasës së mesme, duke theksuar se përballë zhvlerësimit befasues të dollarit në tregun e zi (ka humbur rreth 30% në muajt e fundit), profesionistët, punonjësit, sipërmarrësit dhe të vetëpunësuarit, janë grumbulluar masivisht për të blerë obligacione, aksione dhe instrumente të tjera financiare, sipas të dhënave nga Komisioni Kombëtar i Vlerave (CNV), numri i llogarive të klientëve nëpërmjet të cilave është e mundur të operohet në tregje financiare, u rritën me 20% në vitin 2024, ndërkohë që disa ndërmjetës thonë se kanë dyfishuar portofolin e klientëve të tyre në muajt e fundit.

“Ne po shohim një fenomen shumë të madh, klientët që po investojnë dollarët e tyre në investime”, raporton ndërmjetësi Maximiliano Donzelli.

“Këta janë njerëz që kishin dollarë të deklaruar ose të depozituar në kasaforta dhe që kërkojnë alternativa për të aktivizuar ato kursime”, tha ai.

“Ndër zgjedhjet e favorizuara nga ‘tregtari i klasës së mesme’ - raportojnë ndërmjetësit - janë aksionet e bursës argjentinase, indeksi i së cilës, në vazhdën e reformave të presidentit Milei, fitoi rreth 90% të vlerës së saj të matur në dollarë në 2024-ën”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit