MOSKA: HELIKOPTERI KU UDHËTONTE PRESIDENTI VLADIMIR PUTIN ISHTE NË SHËNJESTËR TË DRONËVE UKRAINAS NË KURSK.

Mosë, Federata Ruse | “Helikopteri me të cilin presidenti rus bëri vizitën e tij të fundit në rajonin e Kurskut më 20 prill thuhet se ishte objektivi i një sulmi masiv me dron ukrainas që u zmbraps”, tha komandanti i forcës së mbrojtjes ajrore ruse në televizion, i cituar nga agjencia zyrtare “Tass”.

“Helikopteri i presidentit Putin ishte në fakt në qendër të sprapsjes së një sulmi në shkallë të gjerë nga dronë armiq.

Intensiteti i sulmit gjatë fluturimit me Komandantin e Përgjithshëm mbi territorin e rajonit të Kurskut u rrit ndjeshëm.

Prandaj, na u desh të zhvillonim njëkohësisht një betejë mbrojtëse ajrore dhe të siguronim sigurinë e fluturimit të helikopterit presidencial”, tha komandanti i divizionit të mbrojtjes ajrore, Juri (Yuri) Dashkin, në një intervistë të transmetuar nga kanali televiziv “Rossiya-24”.

Gjatë vizitës së tij, presidenti Putin u takua me luftëtarë dhe vullnetarë dhe foli me kryetarët e bashkive dhe guvernatorin Aleksandër Khinshtein të rajonit që u pushtua pjesërisht nga trupat ukrainase gushtin e kaluar dhe që Moska pretendon se falë edhe kontributit të trupave të Koresë së Veriut, u ripushtua plotësisht më 26 prill 2025.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit