MJEKËT PA KUFIJ: DHUNA SEKSUALE NDAJ GRAVE DHE VAJZAVE ËSHTË E PËRHAPUR NË DARFUR; PALËT NË KONFLIKT DUHET TË MARRIN PËRSIPËR PËRGJEGJËSITË E TYRE.

Gjenevë, Konfederata e Zvicrës | Gratë dhe vajzat jetojnë në rrezik të vazhdueshëm nga sulmet seksuale në rajonin e Darfurit të Sudanit, paralajmërojnë Mjekët pa Kufij (MSF), të cilët, midis janarit 2024 dhe marsit 2025 ndihmuan 659 të mbijetuara të dhunës seksuale vetëm në Darfurin e Jugut, 94% e të cilave ishin gra dhe 31% ishin nën 18 vjeç.

Midis tyre, madje edhe fëmijë nën 5 vjeç.

Po flasim për sulme seksuale të pamëshirshme, shpesh të kryera nga bandat kriminale.

E gjithë kjo dhunë është e papranueshme, duhet të ndalet.

“Dhuna seksuale nuk është një pasojë natyrore ose e pashmangshme e luftës, ajo mund të përbëjë një krim lufte, një formë torture dhe një krim kundër njerëzimit”, tha znj. Klleër (Claire) San Filippo, koordinatore e emergjencave të MSF në Sudan, në një deklaratë.

“Palët në konflikt duhet të marrin përsipër përgjegjësitë e tyre dhe të mbrojnë civilët, dhe shërbimet mbështetëse për të mbijetuarit duhet të forcohen”, thekson ajo.

“Sulmet fizike dhe seksuale nuk ndodhin vetëm gjatë sulmeve në fshatra ose përgjatë rrugëve të arratisjes.

Mngesa e ndihmës humanitare i shtyn shumë njerëz të ekspozohen ndaj rreziqeve reale për të mbijetuar, siç është ecja në distanca të gjata dhe të lodhshme në këmbë ose pranimi i punëve të rrezikshme”, vazhdon deklarata.

Edhe ata që vendosin të mos e ekspozojnë veten ndaj këtyre rreziqeve ende nuk janë të sigurt; ata mbeten të izoluar, pa burime të ardhurash, pa ushqim, ujë dhe kujdes mjekësor.

Nuk ka vendime ose vende të sigurta, dhuna mund të prekë këdo në çdo kohë dhe në çdo kontekst, madje edhe brenda shtëpisë së tyre.

86% e 659 personave që i mbijetuan dhunës seksuale raportuan se ishin përdhunuar.

94% e viktimave ishin gra dhe vajza.

56% përmendën anëtarë të forcave të armatosura, policisë ose grupeve të armatosura jo-shtetërore si autorë.

55% gjithashtu pësuan lëndime fizike përveç dhunës seksuale.

34% u sulmuan gjatë punës ose lëvizjes në fusha.

31% ishin nën 18 vjeç.

29% ishin midis 10 dhe 19 vjeç.

7% ishin nën 10 vjeç.

2.6% ishin nën 5 vjeç.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit