MISIONI NË HËNË I STARTUP-it PRIVAT JAPONEZ “ISPACE INC.” DËSHTOI | ANIJA KOZMIKE NUK U UL DOT BUTËSISHT MBI SIPËRFAQEN E HËNËS.

Tokio, Japoni | Startupi japonez ispace Inc. dështon të bëhet kompania e parë private e vendit që zbarkon në hënë, pas përpjekjes së parë të dështuar në vitin 2023.

Vetë kompania me seli në Tokio raportoi se anija e saj e uljes Resilience goditi sipërfaqen hënore pasi nuk arriti të ngadalësohej mjaftueshëm gjatë zbritjes së saj.

“Ne jemi të vendosur të arrijmë sa më shpejt të jetë e mundur kompanitë amerikane që e kanë arritur tashmë këtë sukses”, tha CEO Takeshi Hakamada në një konferencë për shtyp.

Anija Resilience, që mbante një rover dhe pajisje për eksperimente, u ngrit nga Kepi Canaveral, Florida, më 15 janar si pjesë e një misioni për të arritur hemisferën veriore të hënës.

Ajo u përpoq të ulej në orën 4:17 të mëngjesit të premten në Japoni (9:17 pasdite GMT), sipas vulave kohore; megjithatë, pas sekuencës së uljes, kontrolli i misionit nuk ishte në gjendje të krijonte komunikim me anijen kozmike.

“Në orën 8:00 të mëngjesit më 6 qershor 2025, kontrollorët e misionit përcaktuan se komunikimi me anijen kozmike nuk kishte gjasa të rivendosej”, tha ispace Inc. në një njoftim për shtyp.

U mor vendimi për të ndërprerë misionin. Përpjekja e parë e kompanisë për të arritur hemisferën veriore të hënës në prill 2023 me një anije tjetër kozmike dështoi.

Kompania amerikane Intuitive Machines u bë më pas kompania e parë private në botë që dërgoi me sukses një anije kozmike në sipërfaqen hënore në muajin shkurt të vitit 2024.

Anija hënore e kompanisë amerikane Firefly Aerospace Inc., e nisur në janar në të njëjtën raketë si Resilience e ispace Inc., u ul në Hënë më 2 mars.

Ajo ndoqi një rrugë të ndryshme drejt sipërfaqes nga anija e uljes ispace Inc..

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit