MINISTRIA E DREJTËSISË E REPUBLIKËS SË ITALISË NJOFTOI SE NJË GARDIAN I BURGUT TË NISIDËS NË NAPOLI U ARRESTUA I AKUZUAR SE ABUZOI SEKSUALISHT NJË TË DËNUAR ME MOSHË TË MITUR.

Burgu i Nisidës.

Institucioni i Ekzekutimit të Vendimeve Penale i Nisidës, Napoli, Itali | Një oficer policie burgu që shërbente në institucionin penal për të mitur të Nisidës, në Napoli, është arrestuar me akuzën e kryerjes së akteve seksuale me një nga të burgosurit e mitur të institucionit penal napolitan.

Kjo u njoftua në një njoftim për shtyp nga Ministria e Drejtësisë së Republikës së Italisë.

Arrestimi, nën arrest shtëpiak, iu njoftua të dyshuarit, në fund të hetimeve nga Policia e Burgjeve që vepron brenda burgut, nga Njësia Qendrore Hetimore dhe nga Njësia Rajonale Hetimore e Napolit.

“Ia përcolla lajmin për krimin Prokurorit Publik në Gjykatën e Napolit, Nikola (Nicola) Gratteri”, tha kreu i Departamentit për Drejtësinë e të Miturve dhe Komunitetit Antonio Sanxhermano (Sangermano), duke e investuar atë me hetimet e nevojshme dhe duke formuluar një kërkesë për miratimin e masave rigoroze; në fakt, është një hipotezë hetimore me rëndësi të paparë.

“Departamenti, si gjithmonë, ka bërë atë që duhej të bënte, duke ndjekur linjën e raportimit të menjëhershëm të çdo lajmi për krim që del në fushën e tij të kompetencës, kushdo që e ka kryer atë”, tha z. Sanxhermano (Sangermano).

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit