___.png)
Seul, Kore e Jugut | Një delegacion ukrainas i kryesuar nga ministri i Mbrojtjes Rustem Umerov po viziton Korenë e Jugut, me synim marrjen e ndihmës ushtarake në luftën me Rusinë.
Kështu raporton gazeta koreano-jugore “Dong-A Ilbo”, duke shtuar se delegacioni tashmë është takuar me këshilltarin e sigurisë kombëtare Shin Won-sik.
Dëshira për t'i dërguar Seulit një kërkesë të detajuar për furnizim me armë, përfshirë artilerinë dhe sistemet e mbrojtjes ajrore, ishte parashikuar tashmë nga presidenti ukrainas Volodimir Zelenski tetorin e kaluar, në një intervistë me transmetuesin koreano-jugor “Kbs”.
Vizita e sotme e ministrit ukrainas të Mbrojtjes Rustem Umerov në Seul është e rëndësishme jo vetëm për Ukrainën, por edhe për Korenë e Jugut, pasi komunikimi mes dy vendeve mund të arrijë një nivel të ri.
Këshilltari i zyrës presidenciale të Ukrainës, Mikhailo Podoliak, tha për agjencinë e lajmeve “Rbk Ukraine”.
Sipas zyrtarit, Seuli e kupton se rreziku i përshkallëzimit në Gadishullin Korean është rritur, sepse përfshirja e Koresë së Veriut në konfliktin ruso-ukrainas i lejon Phenianit të fitojë përvojë të re luftarake, duke e shtyrë vendin aziatik të ristrukturojë sistemin e trajnimit të ushtrisë.
Z. Podoliak gjithashtu beson se Koreja e Veriut do të jetë në gjendje të fitojë akses në teknologjitë e reja të koordinimit, sistemet e kontrollit, teknologjitë që lidhen me sistemet elektronike të mbrojtjes dhe dronët.
Sipas z. Podoliak, këto lëvizje nga Pheniani e shtyjnë Korenë e Jugut të bashkëpunojë me Ukrainën.
Të dy vendet mund të krijojnë këshilla këshillues ose të ndajnë informacione.
Sipas përfaqësuesit të zyrës presidenciale të Ukrainës, Koreja e Jugut mund të përfitojë nga përvoja e përdorimit të disa armëve në front duke i furnizuar ato në Ukrainë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments