MINISTRI IZRAELIT I MBROJTJES ISRAEL KAC (KATZ) KËRCËNOI UDHËHEQËSIN SUPREM TË IRANIT ALI KHAMENEI DUKE I THËNË TË KETË KUJDES PASI DO TË PËRFUNDOJË SI SADAM HUSEINI.

Udhëheqësi Suprem i Iranit, Ajatollah Ali Khamenei, në një mesazh televiziv pas sulmeve izraelite në Teheran, Iran, më 13 qershor 2025.

Jeruzalem, Izrael | Ministri i Mbrojtjes, Israel Kac (Katz), të marten, kërcënoi drejtpërdrejt me jetë udhëheqësin suprem të Iranit, Ajatollah Ali Khamenei, duke e paralajmëruar se mund të përfundonte si ish-diktatori irakian i vrarë, Saddam Hussein.

Kjo përbën përshkallëzimin më të qartë të Izraelit që po shqyrton mundësinë e vrasjes së Khameneit deri më sot.

Kërcënimi nga ministri Kac (Katz) la hapësirë ​​manovrimi, pasi teknikisht diktatori Husseini u vra në fakt nga populli i tij pas një periudhe të gjatë arratisjeje dhe fshehjeje pasi forcat amerikane rrëzuan regjimin e tij në Irak.

Por kërcënimi ishte i qartë se Izraeli mund ta synonte drejtpërdrejt Khamenein ose të shkaktonte rrëzimin e tij nga pushteti, duke e lënë atë të vritej nga miliona iranianë që kundërshtojnë sundimin e tij.

Më parë, kryeministri Benjamin Netanjahu shqyrtoi idenë e vrasjes së Ajatollah Khameneit nëse kjo mund ta përfundonte luftën më shpejt dhe nëse Irani vazhdon të qëllojë me raketa balistike mbi Izraelin.

Zyrtarë të shumtë amerikanë kanë thënë se administrata Tramp (Trump) deri më sot ka vënë veton ndaj një sulmi izraelit ndaj Ajatollah Khameneit, por zyrtarët izraelitë kanë thënë se ata mund të vazhdojnë gjithsesi në një moment nëse më shumë izraelitë vazhdojnë të vriten nga raketat balistike iraniane.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit