MINISTRI I JASHTËM SERB MARKO GJURIÇ DO TË TAKOHET NESËR NË MOSKË ME HOMOLOGUN E TIJ RUS SERGEI LAVROV | DO TAKOHET EDHE ME NËNKRYETARËT E TË DY DHOMAVE TË PARLAMENTIT RUS.

Beograd, Serbi | Ministri i Jashtëm serb Marko Gjuriç nesër dhe pasnesër do të jetë për një vizitë zyrtare në Moskë, ku do të takohet me homologun e tij rus Sergei Lavrov.

Duke raportuar lajmin, Ministria e Jashtme në Beograd shtoi se z. Gjuriç po planifikon gjithashtu bisedime me z. Konstantin Kosaçev (Kosachev) dhe me z. Piotr Tolstoi (Tolstoy), nënkryetarë të Këshillit të Federatës dhe Dumës Shtetërore - përkatësisht dhomat e larta dhe të poshtme të parlamentit rus.

Shefi i diplomacisë serbe do të mbajë një fjalim edhe në Institutin Shtetëror të Moskës për Marrëdhënie Ndërkombëtare pranë Ministrisë së Jashtme ruse.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit