___.png)
MINISTRI I JASHTËM IRANIAN ABAS ARAGHÇI (ABBAS ARAGHCHI): NUK KA BISEDIME NËN PRESION ME SHBA-ës.
- Agjencia Telegrafike Vox
- Feb 25
- 1 min read
Teheran, Iran | Irani nuk do të ketë kurrë bisedime me ShBA-ës nën presion në lidhje me çështjen bërthamore.
Ministri i Jashtëm iranian Abas Araghçi (Abbas Araghchi) e bëri deklaratën ndërsa administrata amerikane e presidentit Danlld Tramp (Donald Trump) rivendosi politikën e saj të presionit maksimal kundër Teheranit javët e fundit.
“Irani dhe Rusia vazhdojnë konsultimet e rregullta për çështje me interes të përbashkët”, shtoi ministri Araghçi (Araghchi), duke folur në një konferencë shtypi në Teheran me homologun e tij rus Sergei Lavrov, raporton agjencia e lajmeve “Mehr”.
“Ne do të ecim përpara dhe do të koordinojmë veprimet dhe qëndrimet tona për çështjen bërthamore iraniane në bashkëpunim me miqtë tanë në Rusi dhe Kinë”, tha kreu i diplomacisë së Teheranit.
“Irani vazhdon të mbështesë Boshtin e Rezistencës në rajon si gjithmonë”, theksoi ministri Araghçi (Araghchi), duke iu referuar milicive pro-iraniane në Lindjen e Mesme.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments