MINISTRI I JASHTËM I REPUBLIKËS SË SHQIPËRISË IGLI HASANI GJATË PUNIMEVE TË ASAMBLESË SË PËRGJITHSHME TË KOMBEVE TË BASHKUARA NË JORKUN E RI ZHVILLOI TAKIM ME HOMOLOGUN E MALTËS IAN BORG.

Jorku i Ri, Amerikë | Ministri për Europën dhe Punët e Jashtme, Igli Hasani, u takua me homologun e Maltës, Ian Borg.

Takimi mes tyre u zhvillua gjatë punimeve të Asamblesë së Përgjithshme të Kombeve të Bashkuara, në Jorkun e Ri.

Ata diskutuan mbi angazhimet dypalëshe dhe shumëpalëshe, si dhe mbi koordinimin për situatën e sigurisë në rajon.

“E përgëzova për punën e shkëlqyer të tij dhe të Maltës si Kryesues të Organizatës për Siguri dhe Bashkëpunim në Evropë dhe anëtar të Këshillit të Sigurimit të Organizatës së Kombeve të Bashkuara”, u shpreh ministri Hasani, në një postim në rrjetet sociale virtuale.

Ministri Hasani deklaroi se Shqipëria  mbështet plotësisht përpjekjet e admirueshme të Maltës, në mbështetje të multilateralizmit gjatë kohërave sfiduese.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit