MINISTRI AFGAN PËR REFUGJATËT U VRA NË NJË SHPËRTHIM ME LËNDË PLASËSE NË MINISTRI: U SHPALL DËSHMOR | AKTI DYSHOHET SE U KRYE NGA SHTETI ISLAMIK KHORASAN.

Kabul, Afganistan | Ministri afgan për refugjatët u vra në një shpërthim në ministri. Kjo është bërë e ditur nga një burim qeveritar.

“Fatkeqësisht, një shpërthim ndodhi në Ministrinë e Refugjatëve dhe ministri Khalil Ur-Rahman Haqqani ra dëshmor së bashku me disa nga kolegët e tij”, tha zyrtari që deshi të mbetej anonim.

Z. Khalil Ur-Rahman Haqqani ishte vëllai i Jalaluddin Haqqani, themeluesit të rrjetit të frikshëm Haqqani, përgjegjës për disa nga sulmet më të dhunshme gjatë kryengritjes dy dekadash të talebanëve.

Ai ishte gjithashtu xhaxhai i z. Sirajuddin Haqqani, ministri aktual i Brendshëm.

Dhuna ka rënë në Afganistan që kur forcat talebane morën kontrollin e vendit në vitin 2021, duke i dhënë fund luftës së tyre kundër Shteteve të Bashkuara dhe forcave të huaja të udhëhequra nga NATO.

Megjithatë, kapitulli rajonal i Shtetit Islamik, i njohur si Shteti Islamik Khorasan, është aktiv në Afganistan dhe ka shënjestruar rregullisht civilë, të huaj dhe zyrtarë talebanë në sulme me armë dhe bomba.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit