LOKALI “110 CAFFÈ”; PERUXHIA | HEKURAN ÇUMANI (ME MOSHË 23 VJEÇ) U VRA ME THIKË.

Z. Hekuran Çumani

Lokali “110 Caffè”, Peruxhia, Itali | Strukturat vendore të Policisë morën dijeni se:

1- Z. Hekuran Çumani, me moshë 23 vjeç, banues në Fabriano, u vra me armë të ftohtë (thikë) në parkingun e fakultetit të matematikës.

Ai kishte mbërritur mbrëmë nga rajoni i Markes (Marche) me një grup miqsh për të kaluar një mbrëmje në kryeqytetin e Umbrisë.

Ata vizituan disa bare dhe më pas përfunduan te “110 Caffè, e gjendur përballë parkingut ku dhe u vra.

Në një moment të caktuar gjatë mbrëmjes, ata u takuan me disa subjekte (meshkuj) të huaj, por banorë të Peruxhias me të cilët u grindën jashtë klubit.

Arsyet e grindjes po hetohen nga autoritetet vendore të hetimit penal.

Pamje nga vendi i ngjarjes

Z. Hekuran Çumani

Pamje nga vendi i ngjarjes

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit