LAVIA GJATA ISHTE DUKE KALUAR RRUGËN ME FOSHNJE NË KRAHË KUR U PËRPLAS NGA NJË MAKINË ME TARGË AC 666 AT | VDIQ NË AKSIN RRUGOR DIMAL-BERAT NË VENDIN E QUAJTUR “MORAVË”.

Berat, Shqipëri | Znj. Lavia Gjata, me moshë 30 vjeçe, vdiq në një aksident automobilistik, i cili, ndodhi mbrëmjen e sotme, rreth orës 18:35, në aksin rrugor Dimal-Berat, në vendin e quajtur “Moravë”.

Kumtohet se znj. Gjata po kalonte rrugën së bashku me foshnjën e saj 2-vjeçare në momentin e aksidentit automobilistik.

Në momentin e kalimit ajo u godit nga një automjet tip “BMW” me targë AC 666 AT.

Përplasja ishte vdekjeprurëse për znj. Gjata, e cila, vdiq në vendngjarje.

Foshnja që ajo mbante në krah nuk ka marrë lëndime serioze, por është dërguar në spitalin rajonal të Beratit për kontroll shëndetësor.

Sipas hetimeve paraprake, drejtuesi i automjetit nuk ishte nën efektin e alkoolit në momentin e aksidentit automobilistik.

Ai është shoqëruar në komisariatin e Beratit për t'u intervistuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit