LAMTUMIRË RABERTA FLLEK (ROBERTA FLACK): ZËRI JOSHËS I “KILLING ME SOFTLY WITH HIS SONG” | ISHTE 88 VJEÇE; VUANTE NGA ALS: FITOI 4 ÇMIME GREMI (GRAMMY).

Uashington, Amerikë | Artistja Raberta Fllek (Roberta Flack), zëri joshës i “Killing Me Softly with His Song”, një këngë e vitit 1973 që kryesonte listat për javë të tëra dhe më vonë ishte objekt i një sërë kopertinash, më e famshmi prej të cilëve ishte nga Fugees në vitin 1996, ka ndërruar jetë.

Këngëtarja dhe pianistja amerikane ishte 88 vjeç dhe vdiq nga ALS, skleroza laterale amiotrofike e njohur edhe si sëmundja e Lou Gehrig.

Këtë e raportojnë mediat amerikane duke cituar zëdhënësen e saj, Ellin Shok (Elaine Schock).

Me origjinë nga Karolina e Veriut, ajo u bë e famshëme brenda natës pasi z. Kllint Istud (Clint Eastwood) përdori “The First Time I Ever Saw Your Face” si pjesë e kolonës zanore të “Play Misty for Me” (1971).

Në veçanti, kënga siguroi muzikën në sfond për një nga skenat më të paharrueshme të dashurisë në kinema, atë mes z. Istud (Eastwood), në rolin e Dave Garver dhe Donna Mills, në rolin e Tobie Williams.

Kënga u nderua me çmimin Grammy për regjistrimin e vitit dhe çmimin Grammy për këngën e vitit.

Në vitin 1973 doli “Killing Me Softly With His Song”, duke bërë që ajo të behej artistja e parë që fitoi Grammy të njëpasnjëshme për regjistrimin më të mirë.

E zbuluar në vitet 1960 nga muzikanti i xhazit Les McCann, këngëtarja u frymëzua si vajzë e re nga muzika gospel e Mahalia Jackson dhe Sam Cooke.

Ajo filloi të studionte piano në moshën nëntë vjeç dhe në moshën 15-vjeçare, si një fëmijë mrekulli, hyri në Universitetin Howard në Uashington, DC.

Megjithatë, ajo u detyrua të braktisë studimet për shkak të vdekjes së babait të saj.

Ndër hitet e tjera të saj ishte singulli i vitit 1974, “Feel Like Makin Love”, i cili gjithashtu arriti numrin 1 në Billboard Hot 100.

Ajo më vonë bashkëpunoi me Bob Dylan në turneun Rolling Thunder Revue, koncertet e të cilit në vjeshtën e vitit 1975 u filmuan për filmin e vitit 1978, shkruar dhe drejtuar nga Dylan.

Gjatë karrierës së saj, ajo ka fituar gjithsej 4 çmime Grammy dhe në vitin 1999, një yll me emrin e saj u vendos në “Walk of Fame” në Holliud (Hollywood).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit