___.png)
Kukës, Shqipëri | Strukturat vendore të Policisë së Shtetit arrestuan:
1- Z. Zenel Muçmata (drejtor i Drejtorisë së Shërbimit Publik në Bashkinë Kukës).
2- Z. Genci (Gëzim) Pinguli.
3- Z. Enes Asllanaj.
Ata akuzohen për kryerjen e veprave penale të:
1- “Vrasjes me paramendim”.
2- “Armëmbajtjes pa leje”.
3- “Përkrahja e autorit të krimit”.
Sipas informacionit të dhënë nga Prokuroria e Kukësit, arrestimet u realizuan pas hetimeve të zhvilluara në kuadër të procedimit penal nr. 72 të vitit 2025, ku dyshohet se është tentuar të kryhet një vrasje.
Prokuroria e Kukësit ka bërë të ditur se operacioni u realizua në bashkëpunim me forcat operacionale të Drejtorisë së Përgjithshme të Policisë së Shtetit.
Z. Zenel Muçmata akuzohet për kryerjen e veprës penale të:
1- “Vrasje me paramendim” e kryer në bashkëpunim.
2- “Armëmbajtje pa leje”.
Z. Genci Pinguli dhe z. Enes Asllanaj akuzohen për kryerjen e veprës penale të:
1- “Përkrahja e autorit të krimit”.
Plagosja e kushëririt të kryebashkiakut ngjau më 19 shkurt të vitit 2025 në qytetin e Kukësit, pas një konflikti mes të dyshuarve.
Z. Elvis Halilaj, ka mbetur i plagosur me armë zjarri dhe aktualisht ndodhet në spital. Ndaj z. Zenel Muçmata ishte shqiptuar masa e sigurimit vetjak “arrest në burg” në mungesë.
Ky operacion vjen si rezultat i hetimeve të thelluara dhe bashkëpunimit të ngushtë mes Prokurorisë dhe Policisë, për zbardhjen e plotë të ngjarjes dhe identifikimin e personave të tjerë të mundshëm të përfshirë.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments