KUBË: UDHËHEQËSI I OPOZITËS HOZE (JOSÉ) DANIEL FERRER HYRI NË GREVË URIE PAS 2 RRAHJEVE NË BURGUN KU PO MBAHET | U RRAH NGA TË BURGOSURIT E ZAKONSHËM SPIUNË TË SIGURIMIT TË SHTETIT.

Havanë, Kubë | Udhëheqësi i opozitës, Hoze (José) Daniel Ferrer, koordinator i përgjithshëm i Unionit Patriotik të Kubës (Unpacu), ka qenë në grevë urie për tre ditë në burgun Mar Verde, në Santiago.

Familja e tij e raportoi këtë në mediat sociale virtuale dhe faqja e internetit e pavarur “Adn Cuba” e raportoi gjithashtu.

Sipas asaj që shpjegoi motra e tij, znj. Ana Belkis Ferrer të shtunën, i burgosuri politik u rrah dy herë nga të burgosurit e zakonshëm në burgun Boniato në Mar Verde, herën e fundit javën e kaluar.

Më 29 prill, qeveria kubaneze revokoi lirimin me kusht të z. Ferrer, i cili, ishte liruar në muajin janar pas ndërmjetësimit të Selisë së Shenjtë, duke e arrestuar atë në shtëpinë e tij.

Z. Ferrer kishte raportuar se, me mbërritjen e tij në burg, ai ishte rrahur tashmë për herë të parë për ta detyruar të vishte uniformën e një të burgosuri të zakonshëm dhe se mjedisi i burgut ishte më i keq se kurrë.

“I tmerruar nga lajmi se banditët e regjimit kubanez e rrahën brutalisht Ferrerin në burg.

Ky akt tregon edhe një herë se komplotet periodike të regjimit për të marrë meritat për lirimin e të burgosurve janë krejtësisht të pandershme”, shkroi më parë në faqen e saj zyrtare X Byroja e Çështjeve të Hemisferës Perëndimore e Departamentit të Shtetit të ShBA-ës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacioni