KRYETARJA E KUVENDIT TË REPUBLIKËS SË SHQIPËRISË LINDITA NIKOLLA DHA DORËHEQJE NGA FUNKSIONI I SAJ | THA SE KA PROBLEME SHËNDETËSORE.

Tiranë, Shqipëri | Kryetarja e Kuvendit të Republikës së Shqipërisë Lindita Nikolla njoftoi dorëheqjen e saj, duke folur nga foltorja e Kuvendit.

Znj. Nikolla njoftoi se largimi i saj ndodh për shkak të një situate personale shëndetësore, e cila ia bën të pamundur kryerjen e detyrës.

“Këtu mbyllet shërbimi im 3-vjeçar në krye të vendit si rezultat i një situate personale shëndetësore që ma bën të pamundur të kryej detyrën.

Jam përpjekur të jap më të mirën cdo ditë, për të siguruar mbarëvajtjen e punës së Parlamentit pa i hyrë kujt në hak në këtë sallë.

Nëse dikujt i kam krijuar një përshtypje tjetër, ju siguroj s’e kam pasur qëllim.

Fatmirësisht kur kam marrë edhe sulme verbale, më mbetet ndjesia e mirë e respektit që më keni dhënë.

Ju falënderoj të gjithëve, falënderoj administratën, punonjësit e shërbimit dhe ju uroj të gjihëve të keni angazhim dhe shëndet të plotë për të vijuar. Largimi im është i padëshiruar por i nevojshëm”, tha znj. Nikolla.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit