KRYEMINISTRJA E TUNIZISË ZAAFRANI ZENZRI BËRI THIRRJE PËR REFORMË TË SISTEMIT GLOBAL TË FINANCIMIT NGA KONFERENCA FFD4 NË SEVILJE TË MBRETËRISË SË SPANJËS.

Sevilje, Mbretëria e Spanjës | Duke folur në Konferencën e Katërt Ndërkombëtare të Kombeve të Bashkuara mbi Financimin e Zhvillimit (FfD4), të mbajtur së fundmi në Sevilje të Spanjës, kryeministrja tuniziane Sarra Zaafrani Zenzri bëri thirrje për një reformë të sistemit global të financimit.

“Ne bëjmë thirrje për një rishikim të kushteve globale të financimit që sanksionon parimin e përputhshmërisë me prioritetet kombëtare dhe identifikon financim të qëndrueshëm dhe afatgjatë për të forcuar sektorët jetikë si bujqësia e qëndrueshme dhe elastike, siguria e ujit, shëndetësia dhe tranzicioni dixhital dhe energjetik”, tha Kryeministrja Zaafrani Zenzri, sipas agjencisë tuniziane të lajmeve “Tap”.

“Bëhet fjalë gjithashtu për rishikimin e rolit të institucioneve financiare ndërkombëtare për të kaluar nga një situatë ku palët u imponojnë politika të caktuara vendeve në një situatë ku strukturat miratojnë një partneritet të vërtetë me to në financimin e programeve të zhvillimit.

Tunizia, e cila, e konsideron financimin e drejtë një të drejtë legjitime për vendet në Jug, ka miratuar një strategji ambicioze kombëtare për aksesin në burimet e financimit.

Në këtë drejtim, ne rekomandojmë një politikë të re të bazuar në fleksibilitet më të madh në ndarjen e financimit nga fondet ndërkombëtare, përcaktimin e kritereve objektive për marrjen e financimit të përshtatshëm në përputhje me realitetet e vendeve në zhvillim, lehtësimin e kushteve të kreditimit dhe krijimin e një qendre të vetme nën kujdesin e Kombeve të Bashkuara për të centralizuar mbështetjen teknike dhe financiare në të gjithë sektorët.

Kjo nënkupton marrëveshjen për një pakt të ri financiar për Afrikën, i cili, do t'u lejojë vendeve të kontinentit të marrin financim të drejtpërdrejtë dhe të përshtatshëm për programet e tyre të zhvillimit, veçanërisht pasi këto vende po vuajnë dukshëm ndikimet e sfidave klimatike, të shkaktuara nga vendet e industrializuara dhe më të zhvilluara, dhe të cilat kanë pasoja negative në ekuilibrin ekonomik, financiar dhe social të kontinentit”, tha ajo.

Duke iu drejtuar çështjes së rikuperimit të fondeve të vjedhura, Kryeministrja bëri thirrje për krijimin e një kuadri ndërkombëtar efektiv dhe detyrues për të përshpejtuar rikuperimin e këtyre fondeve, të cilat, nuk janë vetëm shuma të depozituara në llogari bankare, por përbëjnë edhe një garanci për të siguruar të ardhmen e brezave të ardhshëm.

“Tunizia e konsideron këtë çështje një të drejtë sovrane të popullit, nga e cila, vendi nuk mund të heqë dorë, por kompleksiteti i procedurave ligjore ka penguar arritjen e rezultateve konkrete në këtë fushë”, tha Kryeministrja Zaafrani Zenzri.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit