KRYEMINISTRI I REPUBLIKËS SË SHQIPËRISË EDI RAMA MIRATOI KANDIDATURËN E ILIR PRODËS SI DREJTOR I PËRGJITHSHËM I POLICISË SË SHTETIT | SI DREJTORI I PËRGJITHSHËM PAGUHET EDHE GLEDIS NANO.

Tiranë, Shqipëri | Kryeministri i Republikës së Shqipërisë Edi Rama miratoi kandidaturën e z. Ilir Proda, i cili, tashmë do të ushtrojë funksionin e drejtorit të përgjithshëm të Policisë së Shtetit.

Vendimi u mor sot në mbledhjen e Këshillit të Ministrave, të Republikës së Shqipërisë.

Lajmi bë i ditur nga ministri i Brendshëm, Ervin Hoxha, pas mbledhjes së qeverisë në një komunikim me entet mediatike.

“Kandidati i cili sot u emërua sot do të jetë në krye të policisë dhe menjëherë do të hapim konkurimin për drejtuesit e policive në qarqe”, tha ministri Hoxha, pas mbledhjes së qeverisë.

Z. Proda u propozua për të ushtruar funksionin e drejtorit të Policisë së Shtetit, të RSh, nga ministri i Brendshëm Ervin Hoxha, ditën e hënë, më 30 shtator 2024.

Ai u zgjodh nga lista ku bënin pjesë pesë kandidatë me pikët më të larta që ishin në garë për të ushtruar funksionin e drejtorit të përgjithshëm.

Ai ka një karrierë 19-vjeçare në Policinë e Shtetit.

Në vitin 2002 ai nisi studimet në Akademinë e Sigurisë, deri në vitin 2005, kohë kur u emërua specialist pranë Komisariatit 3 në Tiranë, ku qëndroi për 6 vjet.

Më pas karriera e tij ka vijuar në disa komisariate, struktura hetimore dhe disa drejtori qarqesh.

Në to ka shërbyer si specialist, shef komisariati apo zëvendësdrejtor.

Pozicion që e ka mbajtur deri në muajin mars të vitit 2023, kur u emërua në krye të Drejtorisë Vendore të Policisë së Elbasanit.

Duhet theksuar se për funksionin e drejtorit të përgjithshëm të Policisë së Shtetit aktualisht paguhet edhe z. Gledis Nano, i cili, fitoi procesin gjyqësor.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit