___.png)
Tiranë, Shqipëri | E ndoqa shkurtimisht fjalën e kreut të Prokurorisë Kundër Korrupsionit dhe Krimit të Organizuar (SPAK) Altin Dumani të mbajtur në Kuvendin e Republikës së Shqipërisë.
Timbrin e zërit e kishte të dobët.
Gjatë leximit të materialit bënte gabime (ngatërronte fjalët).
Foltoren nuk e mbushte dot.
Mjaftojnë këto tre elemente për të kuptuar tërthorazi se ndihej në siklet, keq, nën ndikimin e energjisë negative që buron pashtershmërisht nga ajo sallë ku kanë hyrë lloj-lloj spiunësh të ish-Sigurimit të Shtetit dhe lloj-lloj keqbërësish ordinerë, për të mos thënë nën presion të madh, dhe si i tillë, i dorëzuar përballë ligësisë së atyre që duhet të hetojë dhe t’u lëshojë pretenca.
Tregues dhe kumt jashtëzakonisht i keq për shoqërinë e denjë shqiptare, e cila, të tëra shpresat i ka te Zoti, te SPAK-u dhe te Gjykatat e Posaçme, dhe njëkohësisht, tregues kuptimplotë se sa e vështirë është të zhbësh klasën politike sunduese gjakpirëse, që hipi në pushtet duke përdorur dhunën dhe terrorin qysh pas mbarimit të L2B, dhunë dhe terror që e përdori për 45 vjet nëpërmjet autoriteteve shtetërore, e më pas, për mbi 30 e kusur vjet nëpërmjet agjenturës së krimit ordiner, me të cilën është bërë një dhe e pandashme.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commentaires