___.png)
Moskë, Federata Ruse | “Rusia ka potencial të mjaftueshëm për t'iu përgjigjur vendosjes së raketave amerikane me rreze të gjatë veprimi në Europë. Dhe objektivat e mundshëm do të ishin kryeqytetet evropiane”, paralajmërim ky i lëshuar nga Kremlini, sipas asaj që raporton agjencia ruse e lajmeve Tass.
“Zëdhënësi i Kremlinit Dmitri (Dmitry) Peskov, në një intervistë në televizionin rus, foli për një situatë paradoksale duke iu referuar planeve për vendosjen e raketave amerikane me rreze të gjatë veprimi në Gjermani: Shtetet e Bashkuara kanë vendosur një sërë raketash me rreze të ndryshme në Europë, të cilat synojnë tradicionalisht vendin tone. Si rezultat, vendi ynë ka caktuar lokacione europiane si objektiva për raketat tona”, tha ai.
“Vendi ynë është në pistën e raketave amerikane të stacionuara në Evropë. Këtë e kemi përjetuar edhe më parë. Kemi kapacitet të mjaftueshëm parandalues kundër atyre raketave.
Megjithatë, viktimat e mundshme janë kryeqytetet e atyre vendeve”, paralajmëroi zëdhënësi i Kremlinit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments