KREMLINI: JEMI KUNDËR IDESË SË PRESIDENTIT FRANCEZ MAKRON PËR FORCAT EVROPIANE NË UKRAINË.

Moskë, Federata Ruse | Kremlini kundërshton idenë e presidentit francez Emanuel Makron për vendosjen e forcave evropiane në Ukrainë pasi të nënshkruhet paqja.

“Ne kemi lexuar fjalët e presidentit francez se ai synon të vendosë një kontingjent në Ukrainë pas armëpushimit.

“Në fakt, ne po flasim për një dislokim konfrontues të një kontigjenti kalimtar”, tha zëdhënësi i presidentit rus Vladimir Putin, Dmitri (Dmitry) Peskov, sipas agjencisë së lajmeve “Tass”.

Kremlini më pas akuzoi presidentin Makron se donte vazhdimin e luftës, pas fjalimit të mbajtur dje, në të cilin, presidenti francez denoncoi një kërcënim rus për të gjithë Evropën dhe propozoi shtrirjen e ombrellës bërthamore franceze në kontinent.

“Kjo është tashmë retorikë bërthamore, një pretendim për udhëheqësi bërthamore në Evropë që është shumë, shumë agresive”, u citua të ketë thënë z. Peskov nga agjencia ruse e lajmeve “Ria Novosti”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit