KOSATO (COSSATO); ITALI | DEPUTETI EMANUELE POCOLO (POZZOLO) U PËRFSHI NË AKSIDENT AUTOMOBILISTIK NË GJENDJE TË DEHUR.

Kosato (Cossato), Itali | Strukturat vendore të Policisë së Shtetit (Polizia di Stato) morën dijeni se:

1- Deputeti Emanuele Pocolo (Pozzolo), u përfshi në aksident automobilistik në gjendje të dehur.

Ai humbi kontrollin e automjetit të tij, duke dalë nga rruga pranë qytetit Kosato (Cossato).

Testi i alkoolit tregoi se ai kishte një nivel alkooli në gjak sa dyfishi i kufirit të lejuar, gjë që solli pezullimin e menjëhershëm të lejës së drejtimit (patentës) dhe një procedim penal.

Gjatë një feste mbrëmjen e 31 dhjetorit 2023, nga një pistoletë në pronësi të tij u shkrep një plumb që plagosi njërin prej të ftuarve.

Për këtë ngjarje, në tetor të vitit 2025, Gjykata e Biellës e dënoi atë në shkallë të parë me 15 muaj burg (dënim i pezulluar me kusht) për mbajtje të jashtëligjshme të armës së zjarrit.

Ai është politikan, deputet në Dhomën e Deputetëve të Italisë.

Ai ka lindur më 25 gusht 1985 në Verçeli (Vercelli); me profesion është konsulent juridik.

Në shkurt të vitit 2026, ai iu bashkua lëvizjes politike “Futuro Nazionale”, e themeluar nga Gjenerali Roberto Vanaçi (Vannacci).

Ai është pjesë e këtij grupi brenda Grupit të Përzier (Gruppo Misto) në parlament.

Ai u zgjodh deputet në vitin 2022 me partinë e Kryeministres Xhorxha (Giorgia) Meloni, Fratelli d'Italia.

Ai u përjashtua zyrtarisht nga kjo parti në muajin shkurt të vitit 2025 dhe u largua nga grupi i saj parlamentar në muajin maj të po atij viti për shkak të skandaleve ligjore.

Më parë ka qenë pjesë e lëvizjes rinore të “Alleanza Nazionale” dhe më pas këshilltar komunal me partinë “Lega Nord” në vendlindjen e tij.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit