KOREJE E JUGUT: KËRKOHET URDHËR I RI ARRESTI PËR ISH-PRESIDENTIN YOON SUK YEOL.

Seul, Kore e Jugut | Prokurorët e Koresë së Jugut kanë kërkuar një urdhër të ri arresti për ish-Presidentin Yoon Suk Yeol, raportuan mediat vendore, duke vënë në dukje se ish-presidenti është marrë në pyetje dy herë, së fundmi gjatë një seance nëntë-orëshe.

Z. Yoon u shkarkua zyrtarisht nga detyra në muajin prill pasi u ngrit në akuzë penale dhe u pezullua nga parlamenti për përpjekjen për të vendosur gjendjen e jashtëzakonshme dhe për të përmbysur rendin kushtetues të vendit.

Ish-kreu i shtetit u paraqit në gjykatë me akuzat për kryengritje dhe u mor në pyetje nga një prokuror i Posaçëm (Special) që heton shpalljen e gjendjes së jashtëzakonshme.

Më 28 qershor, ish-presidenti Yoon u paraqit para Zyrës së Prokurorit të Posaçëm (Special) të Seulit, por refuzoi të merrej në pyetje.

Mbrojtja e tij po sfidon legjitimitetin e marrjes në pyetje, të cilat, u kryen nga një anëtar i policisë dhe prokurorë të Posaçëm që hetonin vendosjen e shkurtër të gjendjes ushtarake më 3 dhjetor.

Prania e një zyrtari të policisë është e diskutueshme sepse zyrtari kishte qenë përgjegjës për hetimin përpara se ai t'i dorëzohej Zyrës së Prokurorit të Posaçëm.

Paraqitja e 28 qershorit ishte paraqitja e parë e ish-presidentit para një organi hetues në rreth pesë muaj.

Ish-Presidenti Yoon ishte thirrur më parë më 5, 12 dhe 19 qershor, por nuk u paraqit në asnjë nga tre datat.

Më 24 qershor, Zyra e Prokurorit të Posaçëm, e udhëhequr nga Cho Eun-suk, paraqiti një peticion në Gjykatën e Qarkut Qendror të Seulit duke kërkuar një urdhër arresti për ish-presidentin.

Zyra e Prokurorit të Posaçëm filloi punën pas miratimit në fillim të qershorit të një projektligji që kërkonte një hetim të pavarur mbi akuzat për kryengritje kundër ish-Presidentit Yoon.

Hetimi duhet të përfundojë brenda 150 ditëve.

Gjykata Kushtetuese e shkarkoi ish-Presidentin Yoon Suk Yeol nga detyra më 4 prill, pasi ai u ngrit në detyrë nga Asambleja Kombëtare njëdhomëshe.

Gjykata vendosi që ish-Presidenti Yoon shkeli detyrat e tij për të mbështetur Kushtetutën dhe tradhtoi besimin e popullit duke shpallur gjendjen e jashtëzakonshme në mungesë të një krize të vërtetë kombëtare.

Ish-Presidenti Yoon është në gjyq në Gjykatën e Qarkut Qendror të Seulit me akuzat për kryengritje dhe abuzim me pushtetin.

Akuza penale për kryengritje mbart një dënim deri në burgim të përjetshëm dhe dënimin me vdekje.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit