KONFERENCA E PËRGJITHSHME E UNESCO-s DO TË MBAHET NË SAMARKAND.

Samarkand, Uzbekistan | Samarkandi i Uzbekistanit do të presë Konferencën e Përgjithshme të UNESCO-s në vitin 2025 deri më 13 nëntor, e cila, për herë të parë në 40 vjet do të mbahet jashtë Parisit.

Ngjarja do të formësojë prioritetet e ardhshme të Organizatës, si dhe emërimin zyrtar të Drejtoreshës së ardhshme të Përgjithshme të UNESCO-s, e cila, do të zëvendësojë znj. Odri Ozulei (Audrey Azoulay), dhe miratimin e rekomandimit të parë global mbi etikën e neuroteknologjive.

Konferenca do të përfshijë gjithashtu debate tematike, ekspozita dhe aktivitete anësore që eksplorojnë të ardhmen e arsimit, shkencës, kulturës dhe informacionit.

Duke hapur konferencën, Presidenti i Uzbekistanit, Shavkat Mirzioiev (Mirziyoyev), shprehu krenarinë e thellë të kombit për organizimin e këtij eventi dhe riafirmoi rëndësinë e misionit të UNESCO-s në peizazhin gjeopolitik të sotëm.

Ai gjithashtu theksoi urgjencën e iniciativave globale me vizion mbi inteligjencën artificiale, arsimin dhe teknologjinë etike që synojnë promovimin e paqes, mirëkuptimit dhe mirëqenies së njerëzimit.

“Zhvillimi i arsimit gjithëpërfshirës dhe integrimi i gjerë i teknologjive të inteligjencës artificiale në procesin arsimor është bërë një detyrë urgjente e kohës sonë.

Është thelbësore të sigurohet akses i barabartë në arsim cilësor për çdo fëmijë, pavarësisht nga kushtet e tyre fizike ose sociale”, tha Presidenti Mirzioiev.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit