KOMISIONI I PAVARUR I KUALIFIKIMIT (KPK) PËRJASHTOI NGA DETYRA PROKURORIN E VLORËS XHEMAL SALIAJ | U KONSIDERUA I KORRUPTUAR DHE I PAAFTË PROFESIONALISHT.

Tiranë, Shqipëri | Prokurori i Vlorës, Xhemal Saliaj u shkarkua nga detyra nga Komisioni i Pavarur i Kualifikimit (KPK), pas problemeve dhe barrave të provës në kriterin e pasurisë dhe gjetjet për profesionalizmin.

Prokurori Saliaj i kundërshtoi gjetjet e KPK-së dhe pati kërkuar konfirmim në detyrë, por trupa e kryesuar nga znj. Alma Faskaj, me relatore znj. Pamela Qirko dhe anëtare znj. Xhensila Pine, i ka gjetur problemet e konstatuara të mjaftueshme për të sjellë shkarkimin.

Në cilësinë e vëzhguesit ndërkombëtar ishte i pranishëm z. Theo Jacobs.

Prokurori Saliaj e ka filluar karrierën në sistemin e drejtësisë në vitin 2003 si prokuror në Prokurorinë e Beratit, ku ka ushtruar përveç të tjerash edhe funksionin e drejtuesit të saj.

Prej vitit 2013, ai e ushtronte detyrën në Prokurorinë pranë Gjykatës së Juridiksionit të Përgjithshëm Vlorë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit